Сын Джо Байдэна расказаў пра пагаршэнне стану бацькі, які хварэе на рак
«Метастазы праніклі ў косці і далей».
Рак прастаты ў былога прэзідэнта ЗША Джо Байдэна прагрэсуе і выклікае моцныя болі, расказаў ягоны сын Хантар у інтэрв'ю BBC.
«Рак распаўсюдзіўся, метастазы праніклі ў косці і далей. Гэта вельмі балюча і шмат у чым знясільваюча», — сказаў Байдэн-малодшы.
Прадстаўнікі 83‑гадовага экс-прэзідэнта адмовіліся каментаваць гэтае інтэрв'ю.
У маі 2025 года — праз амаль чатыры месяцы пасля сыходу з Белага дома — Джо Байдэн абвясціў, што пакутуе ад агрэсіўнай формы раку прастаты. У кастрычніку прадстаўнік палітыка паведаміў, што экс-прэзідэнт праходзіць курс прамянёвай і гарманальнай тэрапіі.
У апошні раз Байдэн з'яўляўся на публіцы ў чэрвені на цырымоніі адкрыцця прэзідэнцкай бібліятэкі Барака Абамы ў Чыкага, піша BILD.
Каментары