Актрыса з «Гары Потэра» зарабіла на «Онліфанс» больш, чым за ўсе свае здымкі ў кіно
Акаўнт на OnlyFans яна завяла толькі год таму.
Актрыса Джэсі Кейв, якая знялася ў ролі Лаванды Браўн у фільмах «Гары Потэр», прызналася, што зарабіла на OnlyFans больш грошай, чым за ўсю сваю акцёрскую кар'еру.
Акаўнт на OnlyFans яна завяла толькі ў 2025 годзе. Але папярэдзіла, што там не будзе звыклага для платформы сэксуальнага кантэнту — Кейв збіралася здымаць відэа, дзе яна расчэсвае свае доўгія валасы.
У інтэрв'ю выданню The Times актрыса расказала, што за адзін дзень пасля запуску акаўнта зарабіла каля 20 тысяч даляраў.
«Я лёгка зарабіла за адзін год больш, чым за ўсю сваю акцёрскую кар'еру», — заўважыла 39‑гадовая Кейв.
Кейв казала, што адчувала сорам, калі далучылася да «Онліфанс», бо гэта было «доказам маёй няздольнасці зарабляць (ці, хутчэй, утрымліваць) грошы як актрыса і пісьменніца».
Акаўнт яна завяла пасля таго, як перажыла нервовы зрыў і дасягнула «кропкі поўнага адчаю» ў сваёй акцёрскай кар'еры пасля чарговай адмовы ў ролі.
З-за профілю на OnlyFans актрысу не запрасілі на фанацкую канвенцыю «Гары Потэра».
Апроч акцёрскай кар'еры, Кейв выхоўвае чацвярых дзяцей.
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары