Апошні раз Максім Сязончык выходзіў на сувязь 28 мая. З таго дня ягоны тэлефон адключаны, і ў родных няма ніводнай версіі, што магло здарыцца. Выданне «Анлайнер» пагаварыла з мамай Максіма, Вольгай, каб высветліць падрабязнасці знікнення.
«27 мая мы пагаварылі па тэлефоне, у раёне гадзіны ночы я адправіла яму фатаграфію, ён яе лайкнуў. А на наступны дзень увечары напісала: «Як справы?» Ён ужо не адказаў, і тэлефон быў недаступны. Я пачала назвоньваць, але тэлефон увесь час быў недаступны, і ні ў які з месенджараў ён не заходзіў».
Толькі адзін з сяброў праз тыдзень расказаў, што Максім узяў у арэнду машыну і планаваў ехаць у бок Сочы.
«У паліцыі Краснадарскага краю мне сказалі, што ён жывы, таму што яго бачылі па камерах у Сочы. Я прасіла даслаць мне гэтую фатаграфію, але так яе і не атрымала. Мы звярталіся ў пошукавы атрад «ЛізаАлерт» — аналаг нашага «Анёла» — яны гатовыя дапамагчы, але няма ніякіх даных, ад якіх можна было б адштурхнуцца. Напрыклад, дзе засталася каршэрынгавая машына ці апошні раз уключаўся тэлефон».
Прыкметы: рост 186 см, сярэдняга целаскладу, валасы русыя, вочы блакітныя.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары