Дырэктара мінскага таксапарка затрымалі за распаўсюд наркотыкаў
Супрацоўнікі падраздзялення па наркакантролі Заводскага РУУС Мінска затрымалі 33‑гадовага дырэктара аднаго са сталічных таксапаркаў, якога падазраюць у незаконным абарачэнні наркотыкаў.
Паводле інфармацыі сілавікоў, каля месяца таму мужчына знайшоў у інтэрнэце незаконную падпрацоўку. Ён пагадзіўся працаваць наркакур'ерам, разлічваючы хутка атрымаць дадатковы даход.
Па версіі следства, затрыманы забіраў з тайнікоў буйныя партыі забароненых рэчываў, пасля чаго фасаваў і размяшчаў іх у новых схованках на тэрыторыі Мінскага раёна і горада Віцебска.
Падчас затрымання, а таксама пры праверцы тайнікоў, супрацоўнікі міліцыі знайшлі і канфіскавалі каля 300 грамаў асабліва небяспечнага псіхатропнага рэчыва мефедрону, а таксама па 30 грамаў сінтэтычнага гашышу і МДМА.
Паводле звестак сілавых структур, мужчына не толькі займаўся распаўсюджваннем наркотыкаў, але і сам іх ужываў.
У дачыненні да затрыманага завялі крымінальную справу па факце незаконнага абарачэння наркатычных сродкаў і псіхатропных рэчываў. Калі яго віна будзе даказаная, яму можа пагражаць пакаранне ў выглядзе пазбаўлення волі на тэрмін да 15 гадоў.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары