Палац культуры і навукі ў Варшаве 9 жніўня падсвецяць бел-чырвона-белымі колерамі
9 жніўня, у шостую гадавіну пачатку масавых пратэстаў пасля сфальсіфікаваных прэзідэнцкіх выбараў 2020 года ў Беларусі фасад Палаца культуры і навукі ў Варшаве будзе падсвечаны бел-чырвона-белымі колерамі, паведаміла прэс-служба Аб'яднанага пераходнага кабінета Беларусі.
Такое рашэнне прыняў прэзідэнт Варшавы Рафал Тшаскоўскі ў адказ на зварот намесніка кіраўніцы Аб'яднанага пераходнага кабінета і кіраўніка Народнага антыкрызіснага ўпраўлення Паўла Латушкі.
Паводле паведамлення мэрыі, падсветка будзе працаваць 9 жніўня з 18:00 да 24:00.
Павел Латушка падзякаваў гарадскім уладам за гэты сімвалічны жэст, адзначыўшы, што ён сведчыць пра нязменную падтрымку беларускага народа з боку Варшавы і Польшчы.
Ён таксама выказаў удзячнасць Польшчы за дапамогу, якая аказваецца беларусам на працягу апошніх шасці гадоў, і выказаў надзею, што краіна і надалей будзе заставацца надзейным партнёрам у падтрымцы дэмакратычных перамен у Беларусі.
У гэты ж дзень у цэнтры Варшавы адбудзецца традыцыйны мітынг, прысвечаны шостай гадавіне падзей 2020 года. Ён пачнецца а 18:00 каля помніка Мікалаю Каперніку.
Арганізатары запрашаюць беларусаў і сяброў Беларусі далучыцца да мерапрыемства ў знак салідарнасці з ідэямі свабоды, праўды і дэмакратыі.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
і хто на ім бачыць бчб? верхняя белая "паласа" амаль нябачная. будынак хутчэй падсвечаны чырвона-бела. то бок, як перавернуты польскі сцяг