На магілёўскай трасе выпрабоўваюць «вайтопінг» — новую тэхналогію рамонту дарог
На аўтамагістралі М4 (Мінск — Магілёў) выпрабоўваюць новую тэхналогію рамонту дарог — «вайтопінг». Пра яе расказаў начальнік галіновай дарожнай лабараторыі інстытута «БелдарНДІ» Сяргей Кабак.
Сутнасць тэхналогіі ў тым, што паверх наяўнага асфальтабетоннага пакрыцця ўкладваецца пласт цэментабетону. Такім чынам аднаўляецца апорная здольнасць дарогі без поўнага дэмантажу старой канструкцыі.
Па словах спецыяліста, для Беларусі гэты метад пакуль эксперыментальны, хоць у многіх іншых краінах ён ужо шырока выкарыстоўваецца. Перад укараненнем тэхналогію неабходна адаптаваць да мясцовых кліматычных і эксплуатацыйных умоў.
Адной з галоўных пераваг «вайтопінгу» з'яўляецца тое, што няма неабходнасці разбіраць наяўнае пакрыццё. Усе ранейшыя слаі дарожнай канструкцыі выкарыстоўваюцца як аснова. Пасля разліку неабходнай трываласці вызначаецца патрэбная таўшчыня новага бетоннага слоя.
Як адзначаюць спецыялісты, такі падыход дазваляе зрабіць рамонт больш хуткім і эканамічна выгадным, а таксама павялічыць трываласць і тэрмін службы дарожнага пакрыцця.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары