У Клецкім раёне адбыўся пажар у жылым доме, які скончыўся трагічна. Паведамленне пра ўзгаранне паступіла ратавальнікам 4 жніўня каля 00:47, піша «Мінская праўда».
Калі падраздзяленні МНС прыбылі на месца, хата ўжо была цалкам ахопленая адкрытым полымем. У выніку пажару была знішчаная дахоўка, пашкоджаныя сцены і перакрыцці па ўсёй плошчы будынка, а таксама цалкам згарэла маёмасць унутры хаты.
Пасля ліквідацыі агню ратавальнікі разбіралі абрынутыя канструкцыі і пралівалі месцы тлення.
Прыкладна ў 01:48 у адным з пакояў памерам 5 на 7 метраў яны знайшлі моцна абгарэлае цела. Паводле папярэдняй інфармацыі, загінулым быў мужчына 1977 года нараджэння.
Прычына пажару пакуль высвятляецца. Адной з магчымых версій называюць неасцярожнае абыходжанне з агнём.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары