Нерухомасць88

У Мінску ў «сакрэтным» доме прадаюць кватэру за $1,5 мільёна

Апартаменты — у цэнтры сталіцы недалёка ад плошчы Перамогі.

Фота: kufar.by

Кватэра ў «сакрэтным доме»

Кватэра знаходзіцца ў 5‑павярховым доме па вуліцы Румянцава, 7. Гэта адзін з трох дамоў, кватэры ў якіх першапачаткова ў свабодны продаж не выстаўлялі: іх магло набыць толькі абмежаванае кола асоб. Таму гэтыя дамы ў народзе часам называлі «сакрэтнымі». У свой час яны ўваходзілі ў топ эксклюзіўных аб’ектаў сталіцы.

У доме, дзе цяпер прадаюць апартаменты, усяго дзесяць кватэр.

Тая, што ў продажы, — 4-пакаёвая, на трэцім паверсе, з агульнай плошчай 163 квадраты. 

Рамонт выкананы ў класічным палацавым стылі з элементамі барока і неакласікі.

Фота: kufar.by

Самае вялікае памяшканне мае плошчу 58 метраў, з яго можна трапіць на 12‑метровую кухню без вокнаў у сярэдзіне кватэры. 

Фота: kufar.by

Таксама ёсць дзве спачывальні на 13 і 19 метраў. У малой спальні — невялікая гардэробная і асобны санвузел з душавой кабінай, доступ да якога ёсць толькі праз сам пакой.

Фота: kufar.by

Другая, вялікая, спачывальня мае эркер і вялікі ложак з масіўным разьбяным падгалоўем залацістага колеру і аксамітнай абіўкай. З пакоя вядуць дзверы ў гардэробную плошчай чатыры квадраты.

Фота: kufar.by

Побач са спальняй знаходзіцца прасторны санвузел плошчай амаль 10 метраў. У ім памясціліся вуглавая ванна і душавая кабіна. У асобным куце стаяць пралка і сушылка.

Фота: kufar.by

У адрозненне ад астатняй часткі кватэры, санвузлы ў ёй выкананы ў больш сучасным стылі.

Таксама ў кватэры ёсць трэці, гасцявы, санвузел, дзе стаіць толькі ўнітаз і рукамыйнік.

Апошні, чацвёрты пакой, плошчай 13 квадратаў, уласнікі зрабілі працоўным кабінетам у класічным англійскім стылі.

За такую кватэру ў доме ў самым цэнтры Мінска — з прыватнай тэрыторыяй, кругласутачнай аховай, відэаназіраннем, кансьержам і падземным паркінгам — просяць 4,5 мільёна рублёў, што каля $1,5 мільёна. Гэта каля $9300 за квадрат, што робіць кватэру адной з самых дарагіх у Мінску. 

Ці часта ў Мінску прадаюць такія дарагія на кватэры?

Пакуль самай дарагой кватэрай у Мінску, прададзенай за ўвесь час, лічацца апартаменты ў жыллёвым комплексе «Камфорт Парк» па адрасе Грыбаедава, 21. Кватэру на 168 метраў прадалі гэтым летам за $1,167 мільёна, амаль па $7000 за метр. І гэта за кватэру з голымі сценамі.

Што да трох «сакрэтных» дамоў на Румянцава, то ў адным з іх у 2024‑м прадавалася трохпакаёўка на 132 квадраты. Тады за яе прасілі $750 тысяч ($5585 за метр).

А ў канцы 2024 года там жа прадаваліся апартаменты з басейнам, рускай лазняй і саўнай.

Агульная плошча іх складала больш за 360 квадратаў, а жылая — каля 185. І прасілі за кватэру $1,95 мільёна.

Басейн у кватэры за якую два гады таму прасілі $1,95 мільёна. Фота: Realt.by

Каментары8

  • Ыу
    05.11.2026
    Трупэрня. Живет какой-то неадекват из сипатых.
  • Ваван
    05.11.2026
    Абышто. Даже паталки не нацяжныя.....
  • Кхы-кхы
    05.11.2026
    Небось,какому-то приближенному к колхознику прыкарытнику принадлежит?
    Судя по оформлению,владелец имеет крайне дурной вкус,какая-то отвратительная мещанская мешанина,ну а кухня…какому нормальному человеку Будет комфортно принимать пищу в таком страшилище?

Цяпер чытаюць

Крымскі мост зруйнаваны ўдарам ракет «Фламінга»12

Крымскі мост зруйнаваны ўдарам ракет «Фламінга»

Усе навіны →
Усе навіны

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

Новы вобраз Міхалка. Як прайшоў канцэрт «Ляпіса Трубяцкога» ў Берліне23

больш чытаных навін
больш лайканых навін

Крымскі мост зруйнаваны ўдарам ракет «Фламінга»12

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць