«Staryny nie rušyci»: zamiežnaja kampanija adnaŭlaje stary brovar na Vilejščynie + foty

Zamiežnaja kampanija «Trakcentr «Aziarco» vyrašyła inviestavać u restaŭracyju z rekanstrukcyjaj budynka brovara na Vilejščynie, jaki adnosiŭsia da byłoj siadziby «Dvor Stajki». My pisali pra hety prajekt u vieraśni. Namieśnik dyrektara kampanii Aksana Vołkava raskazała, što ŭdałosia zrabić za hety čas.

«NN»: Hod tamu była padpisanaja damova biazvypłatnaha karystańnia brovaram. Bačyŭ, na terytoryi siadziby viaducca raboty. Pačałasia restaŭracyja?

Aksana Vołkava: Jašče nie. Ja nie atrymała da siońnia ad architektaraŭ prajektna-kaštarysnaj dakumientacyi.

Ciapier tam viaducca tolki kansiervacyja i suprać avaryjnyja raboty: demantavanyja avaryjnyja frahmienty mura, vykanana rabota pa ŭmacavańni ścienaŭ — brovar užo nie abryniecca.

«NN»: A kali budzie hatovy prajekt?

Dvor Stajki naležaŭ panam Bahdanovičam. Siadziba źjaviłasia ŭ pieršaj pałovie XVIII st. U kancy stahodździa paŭstaŭ novy dom. U im, jak śćviardžaje historyja, spyniaŭsia ŭ 1812 hodzie Napaleon. U pačatku minułaha stahodździa Dvor Stajki ŭjaŭlaŭ saboj siadzibu, park, vodnuju sistemu, ŭjaznuju bramu, brovar, stajniu, inšyja haspadarčyja pabudovy. Da siońnia zachavalisia častkova brovar i stajnia, park, sažałka.

AV: Ciažka z takimi abjektami pracavać. Praściej na novym miescy budynak uźvieści, čym u histaryčnym parku. Prajekt choć i nie taki vialiki, ale patrabuje hruntoŭnaj prapracoŭki. Treba ž zachavać histaryčnaje miesca — «staryny nie rušyci».

To bok nie stavić bietonnyja kropki padłučeńnia elektryčnaści, nie stavić linii elektrapieriedač sa słupami pa parku ź viekavymi drevami, ale treba padvieści aciapleńnie, vadu. Miesca pavinna być pa-sučasnamu abstalavanym i biaśpiečnym dla adpačynku.

Architektar Valmien Aładaŭ abiacaje na hetym tydni ŭžo addać prajekt na ekśpiertyzu. I jak tolki my atrymajem paćviardžeńnie, možna pracavać. Miesiac, napeŭna, daviadziecca čakać.

U Minskim abłvykankamie lažyć maja damova na atrymańnie dla ŭparadkavańnia ŭsioj terytoryi «Dvara Stajki». Heta park z sažałkaj, inšyja pabudovy. Heta zatratna, ale ž miesca taho vartaje.

U mai, kali nie admoviać, ja chaču pravieści subotnik dla ŭsich achvočych. Heta ž kala 18 ha terytoryi, jakija treba prybrać.

«NN»: U 2014 hodzie vy pavinny zdać adrestaŭravany brovar, u jakim raźmieścicca muzyčna-vystavačnaja zała. A što z astatnimi budynkami dumajecie zrabić?

AV: Kali pieradaduć, možna było b ich adnavić. Na žal, nie ŭsio ŭdasca. My praviali abśledavańnie stajni, i jana nie padlahaje adnaŭleńniu. Jaje možna tolki zakansiervavać: razburajecca katastrafična i voś-voś moža abrynucca. Ale

ja b stajniu nakryła, zachavała ruiny, a pobač łavački pastaviła, jak robiać u Finlandyi, Šviecyi — takija miescy ŭładkavanyja sučasna i ŭtulna: kali pałacy vykarystoŭvajuć pad muziei, to haspadarčyja pabudovy prystasavali dla vystavak, ramieśnickich majsteraniaŭ, kancertaŭ, hatelčykaŭ...

«NN»: Raniej nazyvałasia suma restaŭracyi brovara $120 tysiač...

AV: Vy ž razumiejecie, što heta nierealna. Heta budzie značna bolš.

«NN»: U vypadku realizacyi ŭsich inviestycyjnych zadumak, u Stajkach uźniknuć pracoŭnyja miescy. Chto tam budzie pracavać: viaskoŭcy albo budziecie ź Vilejki i Minska pryvozić rabotnikaŭ?

AV: Takoje pytańnie ja zadavała ludziam, jakija adkryli niejkija abjekty ŭ Vilejskim rajonie. Vyjaviłasia, što tam šmat ludziej ź Vilejki, Maładziečna, Minska — i nikoha ź viaskoŭcaŭ. Ale da mianie ŭžo źviartajucca. Naprykład, z susiedniaj vioski žančyna patelefanavała: pierajechała mamu dahladać i chacieła b u nas pracavać.

Ja zacikaŭlenaja, kab kadry byli miascovyja. Mo daviadziecca ich jašče rychtavać.

• 0
• 0
• 0
• 0
• 0
• 0
• 0
• 0