Z dronami i niejrasietkami. U Niderłandach testujuć łahier dla 2000 rasijskich vajennapałonnych na vypadak vajny
Armija Niderłandaŭ upieršyniu za bolš čym 30 hadoŭ adpracoŭvaje stvareńnie łahiera dla vajennapałonnych. Na hetym tydni na palihonie Marniechiojzien u pravincyi Hroninhien testujuć prajekt łahiera, jaki ŭ vypadku vajny zmoža pryniać da 2000 vajennasłužačych. Vučeńni źviazanyja z padrychtoŭkaj da mahčymaha kanflikta z Rasijaj, piša The Moscow Times.
Sam łahier možna budzie razharnuć za tydzień. Da budaŭnictva takich abjektaŭ płanujecca pryciahvać nie tolki vajskoŭcaŭ, ale i hramadzianskich padradčykaŭ, jakija zvyčajna ŭzvodziać infrastrukturu dla najbujniejšych muzyčnych fiestyvalaŭ.
Jon nie budzie nahadvać tradycyjnyja łahiery vajennapałonnych minułaha z šmatlikimi vyškami i pražektarami. Biaśpieku zabiaśpiečać sučasnyja sistemy nazirańnia. Kamiery zmohuć reahavać na ruch i huk, nad terytoryjaj buduć lotać bieśpiłotniki i pieradavać videa ŭ režymie realnaha času.
Vajennapałonnych płanujecca raźmiaščać u nievialikich biełych barakach z dvuchjarusnymi łožkami.
Aficery i radavyja buduć žyć razam, nie bolš za 20 čałaviek u adnym pamiaškańni. Dla ich praduhledžany prahułačnyja zony, ahulnyja dušavyja, stałovaja i miedpunkt. Mabilnyja telefony i asabistyja elektronnyja pryłady buduć kanfiskoŭvacca, ale im dazvolać pisać listy svajakam.
«Jany mohuć raźličvać na ŭmovy pražyvańnia jak minimum nie horšyja za tyja, u jakich znachodziacca našy ŭłasnyja vajennasłužačyja», — zajaviła hienierał i kamandujučy Kamandavańniem apieratyŭnaj padtrymki suchaputnych vojskaŭ Niderłandaŭ Nikol de Volf.
U apošni raz padobnyja vučeńni pravodzilisia jašče ŭ časy chałodnaj vajny. Pavodle słoŭ de Volf, za apošnija dziesiacihodździ armija praktyčna straciła vopyt va ŭtrymańni tysiač pałonnych. Padčas misij u Afhanistanie niderłandskim vajskoŭcam davodziłasia zatrymlivać tolki pa dva-try čałavieki, jakich možna było ŭtrymlivać na vajskovych bazach.
«Kali vy razzbroili praciŭnika, to chočacie jak maha chutčej prybrać jaho dalej ad linii frontu», — kaža de Volf. Zachoplenych vajennasłužačych buduć pieravozić na sotni kiłamietraŭ u tył. Tam ich zarehistrujuć, dapytajuć i buduć utrymlivać da mahčymaha abmienu na pałonnych niderłandcaŭ.
Vajskoŭcy kažuć, što humannaje abychodžańnie z pałonnymi pradyktavana nie tolki patrabavańniami mižnarodnaha prava. «Nie rabi inšym taho, čaho nie žadaješ sabie», — kaža de Volf.
Pavodle jaje słoŭ, Niderłandy raźličvajuć, što ŭ vypadku traplańnia ich vajennasłužačych u pałon, da ich taksama buduć stavicca pa-čałaviečy.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB45
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary