Inha Chruščova: Ja syšła z BT pa maralnych mierkavańniach

Inha Chruščova

«Vy daŭno marycie adpravicca ŭ Jeŭropu na aŭto, ale nie viedajecie z čaho pačać?» Biaspłatny videakurs «Daroha ŭ Jeŭropu» prapanuje ŭ internecie… Inha Chruščova. Taja samaja, jakaja ŭ kancy 1990-ch była adnym ź simvałaŭ prapahandy na BT.

Z 1995 da 2001 jana była viadučaj navinaŭ, pracavała i ŭ prezidenckim pule. Ź ciaham času Chruščova ŭznačaliła adździeł palityčnych ahladalnikaŭ Ahienctva televizijnych navinaŭ na BT.

Na nastupny dzień paśla elehantnych prezidenckich vybaraŭ 2006 joj i jašče dziasiatku žurnalistaŭ dziaržaŭnych ŚMI była abjaŭlenaja padziaka Alaksandra Łukašenki. Zrešty, heta była nie adzinaja ŭznaharoda palityčnaj ahladalnicy.

U apošni čas Chruščova vychodziła ŭ efir tolki ŭ samyja adkaznyja momanty, jak, naprykład, paśla prezidenckich vybaraŭ-2010.

«Ja syšła z BT mienavita pa maralnych mierkavańniach. I daŭno ŭžo nie zajmajusia prapahandaj. Čaho žadaju ŭsim, chto dumaje, što palityka — heta niešta śvietłaje i čystaje. U lubym palityčnym łahiery vas vykarystoŭvajuć», —

Jaje videakanał na JUTubie tym časam prapanuje karysnyja parady, jak chutka prajści miažu i vyjechać ź Biełarusi ŭ Litvu.

Dzianis Balšakoŭ

Dzianis Balšakoŭ — prapahandyscki hieroj paźniejšaha času. Jaho proźvišča stała papularnym paśla Płoščy-2006. Aŭtarstvu idejnaha treciakurśnika žurfaka prypisali siužety pra šprycy i pornačasopisy ŭ namiotavym miastečku.

Telefonny numar Balšakova akazaŭsia ŭ internecie — i na prapahandysta abrynuŭsia škvał zvankoŭ i sms-paviedamleńniaŭ ad aburanych hledačoŭ.

Byli i inšyja tryumfalnyja roliki — naprykład, pra apazicyjnuju moładź, jakaja spaliła ŭ lesie humovuju žančynu z kramy seks-tavaraŭ.

Paśla zakančeńnia ŭniviersiteta prapahandyst pajšoŭ pa «kamsamolskaj linii». Dasłužyŭsia da kiraŭnictva minskaha haradskoha kamiteta BRSM.

Na niekatory čas źnik z hramadskaha žyćcia — i abjaviŭsia... u dalokaj Azii.

Adtul jon zdymaje telesiužety dla rasijskaj słužby Centralnaha telebačańnia Kitaja.

Inesa Pleskačeŭskaja

Da śpiecyjalnaha karespandenta «Savieckaj Biełarusii» i telekanała ANT u Kitai Inesy Pleskačeŭskaj pretenzij u hramadskaści faktyčna nie było, kali nie ličyć za prablemu sprečny imidž jaje pracadaŭcy.

Vypusknica fiłasofska-ekanamičnaha fakulteta BDU, jana niekatory čas papracavała ŭ sistemie Ministerstvie zamiežnych spraŭ — u Łatvii i Vielikabrytanii.

Na praciahu apošnich 13 hadoŭ Pleskačeŭskaja žyła ŭ Kitai.

Niekalki miesiacaŭ tamu žurnalistka pierabrałasia ŭ Jeŭrasajuz, a kali być dakładnym — u Čechiju.

• 0
• 0
• 0
• 0
• 0
• 0
• 0
• 0