Były kiraŭnik Administracyi prezidenta Urał Łatypaŭ uvajšoŭ u naziralnuju radu «Alfa-Banka»
Urał Łatypaŭ ciapier źjaŭlajecca adnym z troch niezaležnych dyrektaraŭ u składzie naziralnaha savieta Alfa-Banka (Biełaruś).
U banku paćvierdzili, što na hetuju pasadu Urał Łatypaŭ zaćvierdžany rašeńniem ahulnaha schodu akcyjanieraŭ banka.
Raniej śpiecyjalnaja kvalifikacyjnaja kamisija Nacbanka pryznała Łatypava adpaviednym kvalifikacyjnym patrabavańniam i patrabavańniam da dziełavoj reputacyi, što pradjaŭlajucca da pasadaŭ niezaležnaha dyrektara i člena savieta dyrektaraŭ (nahladalnaha savieta) banka, terminam na 5 hadoŭ.
Urał Łatypaŭ skazaŭ TUT.BY, što ŭ hetym pryznačeńni «ŭsio vielmi prosta: jany prapanavali - ja pahadziŭsia». Alfa-Bank - heta bankaŭskaja ŭstanova z dobraj reputacyjaj, jakaja pracuje pa pieradavych praviłach i standartam. Mnie cikava być častkaj sučasnaj sistemy karparatyŭnaha kiravańnia z prafiesijnaj punktu hledžańnia», — napisaŭ jon.
* * *
Urał Łatypaŭ
Naradziŭsia 28 lutaha 1951 u vioscy Katajeva ŭ Baškartastanie.
Skončyŭ jurydyčny fakultet Kazanskaha ŭniviersiteta (1973), kursy KDB u Maskvie (1974).
Pracavaŭ na raznych pasadach u KDB SSSR. U 1989-1994 pracavaŭ u Instytucie dziaržaŭnaj biaśpieki Biełarusi. U 1994-1998 i ŭ 2000-2001 byŭ pamočnikam, paśla pieršym pamočnikam prezidenta. U 1998-2000 byŭ ministram zamiežnych spraŭ. U 2001-2004 — kiraŭnik Administracyi prezidenta.
Paśla sychodu ź dziaržsłužby byŭ staršyniom daradčaj rady «Łukojł-Biełaruś», uznačalvaŭ kampaniju «Dyrekt Mieniedžmient», jakaja kiruje abjektami nieruchomaści ŭ Maskvie.
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Kamientary