Instytut fizijałohii AN: U pałovy biełaruskich i rasijskich mužčyn niajakasnaja śpierma
Daśledčyki ź Instytuta fizijałohii Nacyjanalnaj akademii navuk Biełarusi zajavili, što bolš za 50% mužčyn u Biełarusi i Rasii majuć prablemy ź jakaściu śpiermy.
Vyniki biełaruska-rasijskaha daśledavańnia byli ahučanyja na sumiesnaj kanfierencyi NAN Biełarusi i Sibirskaha adździaleńnia Rasijskaj akademii navuk, što prajšła ŭ Navasibirsku ŭ miežach dzion Biełarusi ŭ Sibiry.
Navukoŭcy praanalizavali ŭzory siemieni 1700 mužčyn ź Biełarusi i Sibiry (z Navasibirska, Ułan-Ude, Kiemierava i Jakucii).
8% mužčyn mieli panižany abjom ejakulatu, u 12% kolkaść śpiermatazoidaŭ była nižejšaja za normu, a ŭ 2% uzoraŭ śpiermatazoidaŭ nie było ŭvohule. U 36% praanalizavanych uzoraŭ śpiermy była vyjaŭlena zamałaja ruchomaść śpiermatazoidaŭ.
Daśledčyki vyśvietlili, što ruchomaść śpiermatazoidaŭ pamianšajecca ŭ tych, chto kuryć bolš za 10 cyharet štodnia ci maje indeks masy cieła vyšejšy za normu.
Zahadčyca łabaratoryi niejrafizijałohii Instytuta fizijałohii NAN Biełarusi kandydat bijałahičnych navuk Śviatłana Paškievič adznačyła, što statystyka śviedčyć ab źnižeńni kancentracyi śpiermatazoidaŭ u zdarovych mužčyn. Jana skazała, što heta tendencyja moža pradstaŭlać niebiaśpieku ŭ budučyni.
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary