Premjeru klipa «Chłopcy-bałachoŭcy» muzyki prymierkavali da Dnia hierojaŭ – dnia, kali aficyjna pačałosia Słuckaje paŭstańnie 1920 hoda.
Mienavita padčas zdymak videa da «Chłopcaŭ-bałachoŭcaŭ» hurt byŭ zatrymany ŭ poŭnym składzie. Ale zdarovy sens uziaŭ uvierch – muzykaŭ adpuścili, a kanfiskavanyja videamateryjały i častku rekvizitu paśla pravierki addali režysioru rolika Antonu Cialežnikavu, tamu vychad rolika adbyvajecca jak i zapłanavana – 27 listapada na telekanale «Biełsat».
«Hety tvor napisany ŭ honar tych vajaroŭ, jakija ŭ 1920-ja imknulisia baranić niezaležnaść maładoj dziaržavy BNR. Jana napisana ŭ pamiać pra čałavieka, pad kiraŭnictvam jakoha žaŭniery ŭ razy ustupajučy kolkasna, dali boj Čyrvonaj armii, jakaja niesła «śvietłaje budučaje». Tamu my prezientujem klip na Dzień Hierojaŭ», – kaža tekstavik hurtu Dzianis Žyhaviec.
Heta ŭžo čaćviorty klip haradziencaŭ, zrobleny sioleta. Da hetaha muzyki pradstavili videaŭvasableńnie da piesień «Sumnaje rehi», «Lasnyja braty» i «Ładździa rospačy». «My nie imkniemsia za kolkaściu i nia stavim metu zdymać klipy. Tak vychodzić, što inicyjatyvu vyjaŭlajuć inšyja ludzi – Antoś Cialežnikaŭ, Viera Stoma, Aleś Zaleŭski i Jaŭhien Šapčyc. Tamu ŭsia pavaha i łaŭry – ichnija», – kaža vakalist kamandy Aleś Dzianisaŭ.
Dzieciuki sioleta ŭ liku hałoŭnych pretendentaŭ na atrymańnie zvańnia «Hieroi hodu» ad partału Tuzin.fm. 12 śniežnia ŭ minskim klubie «Piraty» vystupiać z setam svaich najlepšych piesień.
Ciapier čytajuć
Viarnuŭsia ź Litvy — i byŭ aryštavany za danaty. Hety bijołah raniej daśledavaŭ lejkozy — jaho fiłasofija natchniaje7
Kamientary