Palčatku premjercy Evie Kopač kinie Bieata Šydła z partyi «Zakon i spraviadlivaść».
Takim čynam, žančyny ŭpieršyniu paviaduć na vybary abiedźvie hałoŭnyja palityčnyja siły krainy.
Kansiervatyŭnaja partyja «Zakon i spraviadlivaść», viadomaja pad polskim psieŭdanimam PiS, choča paŭtaryć pośpiech prezidenckich vybaraŭ. Na ich kansiervatary vystavili małaviadomaha palityka Andžeja Dudu. I jon niečakana pieramoh. Paśla hetaha PiS zrabiła staŭku na «novaje abličča» i na parłamienckich vybarach.
Staršynia partyi Jarasłaŭ Kačynski adstupiŭ u cień, bo jaho asoba vyklikaje supiarečlivaje staŭleńnie ŭ hramadstvie.
U Polščy asnoŭnaja ŭłada naležyć premjer-ministru, a nie prezidentu. Urad farmiruje taja partyja, jakaja pieramahła na parłamienckich vybarach.
Nastupnyja vybary adbuducca da kanca 2015 hoda. Prezident Kamaroŭski jašče nie vyznačyŭsia z kankretnaj ich dataj.
Ciapier Polščaj kiruje kaalicyja libieralnaj «Hramadzianskaj płatformy» i Polskaj sialanskaj partyi.
Kali b vybary adbylisia siońnia, za kansiervatyŭnuju «Zakon i spraviadlivaść» prahałasavaŭ by 31% vybarščykaŭ. «Hramadzianskaja płatforma» nabiraje 25% hałasoŭ, takija źviestki dajuć sacyjołahi polskaha CBOS.
A na treciaje miesca vyjšaŭ pratestavy Śpis Kukiza — rok-śpievaka i kandydata «suprać usich», jaki zaniaŭ treciaje miesca na apošnich prezidenckich vybarach. Sacyjał-demakraty, jak i Sialanskaja partyja bałansujuć na miažy prachadnoha barjera.
Bieacie Šydła 52 hady. Jana zamužam, u jaje dvoje synoŭ — Błažej i Tymatej. «Szydło», darečy, pa-polsku značyć «Šyła». Jana naradziłasia ŭ horadzie Aśviencim. Vučyłasia jana na etnohrafa i pieršyja vosiem hadoŭ pracoŭnaha stažu adrabiła ŭ histaryčnym muziei Krakava.
Ad 1998 jaje abrali burmistram nievialičkaj hminy (anałah biełaruskaha sielvykankama). U Sojm jana ŭpieršyniu trapiła ŭ 2005 hodzie i tam prajšła šlach da namieśnicy staršyni partyi.
Polskija libierał-kansiervatary z kiraŭničaj Hramadzianskaj płatformy i nacyjanał-kansiervatary z «Zakona i spraviadlivaści» adroźnivajucca ŭ pytańniach relihijnych kaštoŭnaściaŭ i padychodaŭ da ekanomiki. Što datyčyć zamiežnaj palityki, tut ich pazicyi roźniacca niaznačna. U pryvatnaści, jany kansensusna trymajucca kursu na padtrymku niezaležnaści Biełarusi i Ukrainy.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary