U 2006 hodzie staršynia KDB pałochaŭ biełarusaŭ «dochłymi pacukami ŭ vodapravodzie». U 2010 hodzie ŭ haražy ŭ Malinaŭcy «znajšli armaturu», ale haspadar haraža dahetul chodzić sabie na svabodzie. Vyhladaje, što napiaredadni vybaraŭ ahučana strašyłka-2015.
«Biełaruskija pamiežniki nie puścili ŭ krainu kala dvuchsot hramadzian Ukrainy, niekatoryja ź jakich vieźli z saboj kamuflavanuju vajskovuju formu, bity, dubinki i traŭmatyčnuju zbroju», — paviedamiŭ u subotu telekanał «Biełaruś-1».
U siužecie paviedamlałasia, što biełaruskija pamiežniki nie prapuścili z Ukrainy kala dvuchsot hramadzian hetaj krainy, jakija nie mahli rastłumačyć mety svajho pryjezdu i nazyvali vydumanych ludziej u jakaści asob, jakija ich zaprasili.
Pavodle «infarmacyi» telekanała, niekalki ź nieprapuščanych asobaŭ znachodzilisia ŭ mižnarodnym vyšuku jak udzielniki niezakonnych vajennych farmiravańniaŭ, śćviardžaje telekanał. Apošniaje ŭjaŭlaje saboj poŭny nonsens.
U Biełarusi ŭ niadzielu projduć prezidenckija vybary.
Napiaredadni vybaraŭ 2006 hoda nahniatałasia antypolskaja isteryja. Ciapier nahniatajecca varožaść antyŭkrainskaja.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary