Składajecca suśvietny śpis samych paśpiachovych 35‑ci maładych biełarusaŭ. Užo možna padavać zajaŭki
Stała viadoma pra zapusk Next 35 — pieršaha štohadovaha śpisu 35‑ci maładych biełarusaŭ i biełarusak z usiaho śvietu, jakija budujuć mižnarodnuju karjeru i realizujuć hłabalnyja prajekty. Prajekt arhanizavali Competence School i Belarus Future Leadership Award.
Biełarusy žyvuć i pracujuć u dziasiatkach krain, budujuć karjeru ŭ Bierlinie, Varšavie, Ńju-Jorku, Łondanie, Tel-Avivie, zapuskajuć startapy, pravodziać daśledavańni ŭ viadučych univiersitetach i stvarajuć pradukty dla suśvietnaha rynku.
Inicyjatyva Next 35 zaklikanaja pakazać najbolš jarkich pradstaŭnikoŭ novaha pakaleńnia biełarusaŭ, jakija ŭžo siońnia dasiahajuć pośpiechaŭ na mižnarodnym uzroŭni.
Arhanizatary padkreślivajuć, što heta nie konkurs i nie rejtynh, a sproba adznačyć ludziej, jakija ŭžo ruchajucca napierad, biarucca za składanyja zadačy i vyznačajuć tendencyi ŭ svaich śfierach.
Śpis achoplivaje siem katehoryj:
- Rising Stars;
- Science & Thinkers;
- Builders;
- Creators;
- Artists;
- Innovators;
- Impact.
U skład daradcaŭ Next 35 uvajšli pradstaŭniki biznesu, navuki, kultury i miedyja, siarod jakich suzasnavalnik EPAM Systems Leanid Łoźnier, suzasnavalnik Behavox Kirył Trembavolski, dacent Harvard Medical School Juryj Papoŭ, muzyčny pradziusar Mikałaj Skrobat, režysiorka Darja Žuk, a taksama zasnavalniki startapaŭ, IT-pradprymalniki i kiraŭniki miedyjaprajektaŭ.
Padać zajaŭku mohuć biełarusy i biełaruski va ŭzroście da 35 hadoŭ, jakija realizujuć prajekty mižnarodnaha maštabu abo pracujuć nad zadačami, što vychodziać za miežy adnoj krainy. Taksama možna naminavać inšych kandydataŭ.
Pryjom zajavak praciahniecca z 6 pa 26 lipienia.
Ci varta dzieciam karystacca ChatGPT? Razvažaje suzasnavalnik EPAM Leanid Łoźnier
Što viadoma pra adnakurśnikaŭ-biełarusaŭ Koli Łukašenki, što skončyli ź im Piekinski ŭniviersitet
Pakaleńnie Z baicca zvanić u dźviery
«Pastupajuć pahrozy prosta na miescy». Student EHU pra pieratrusy i parady dla tych, chto ŭ Biełarusi
Ciapier čytajuć
Biełarus-hruzčyk, jaki staŭ asabistym pamočnikam i davieranaj asobaj kiraŭnika rasijskaha Śbierbanka Hiermana Hrefa, sapraŭdy isnuje4
Kamientary