ZŠA znoŭ nanieśli maštabnyja ŭdary pa Iranie. Ceny na naftu tut ža padskočyli
Vajskova-pavietranyja siły ZŠA atakavali šerah celaŭ na poŭdni Irana. Jak paviedamlajuć vydańni CNN, udary byli naniesieny pa pazicyjach u rajonie stratehičnaha horada Biender-Abas i porta Siryk. Centralnaje kamandavańnie ZŠA nazvała apieracyju sieryjaj «mahutnych udaraŭ» u adkaz na ataki Irana na kamiercyjnyja sudny kala Armuzskaha praliva i parušeńnie raniejšych damoŭlenaściaŭ.
Pavodle infarmacyi vysokapastaŭlenaha amierykanskaha čynoŭnika, pad udar patrapili iranskija sistemy supraćpavietranaj abarony (SPA) i zienitnyja rakiety; bierahavyja radary i sistemy nazirańnia; puskavyja płatformy supraćkarabielnych rakiet i bieśpiłotnikaŭ; abjekty partovaj infrastruktury.
Iranskaje dziaržaŭnaje telebačańnie paćvierdziła vybuchi na ŭschod i zachad ad Biender-Abasa, adnak taksama zajaviła, što paškodžańni atrymali handlovyja i rybackija pryčały ŭ porcie Siryk.
«Pakarańnie», a nie praparcyjny adkaz
Pradstaŭnik amierykanskich uład u kamientary dla CNN padkreśliŭ, što hetyja dziejańni Pientahona nie źjaŭlajucca prosta «praparcyjnym adkazam». Heta śviadomaje «pakarańnie» dla Irana, i amierykanski bok papiaredziŭ, što vajskovyja ŭdary mohuć być praciahnuty.
U CENTCOM vykazali «hłybokuju zaniepakojenaść» tym, što Tehieran praciahvaje atakavać sudny i ihnaruje dvuchbakovy miemarandum, jaki rehulavaŭ ramki amierykana-iranskich pieramoŭ.
Paralelna z vajennymi dziejańniami Vašynhton uzmacniŭ ekanamičny cisk. Ministerstva finansaŭ ZŠA aficyjna admianiła sankcyjnaje vyklučeńnie, jakoje dahetul dazvalała Iranu ekspartavać naftu. Amierykanskaje viedamstva patłumačyła, što hetaje pasłableńnie było ŭmoŭnym, a pakolki Iran nie vykanaŭ uziatyja na siabie abaviazacielstvy, jano anulujecca. Na hetym fonie na suśvietnych rynkach užo pačali raści ceny na naftu.
Ataka ZŠA adbyłasia ŭ vielmi napružany momant — u Iranie hetymi dniami prachodziać šmatdzionnyja maštabnyja pachavańni byłoha lidara Irana ajatały Ali Chamieniei, jaki byŭ zabity ŭ vyniku papiarednich dziejańniaŭ ZŠA.
Ceny na naftu adreahavali na abmien udarami miž ZŠA i Iranam rezkim rostam, što znoŭ daje nadzieju Maskvie, jakaja zaležyć ad naftahazavych dachodaŭ dla napaŭnieńnia svajho biudžetu.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam11
Kamientary