Premjer Čarnahoryi: Pratesty ŭ krainie padtrymlivaje Rasija, kab sarvać ustupleńnie ŭ NATA
«Niama bolš nijakich sumnievaŭ paśla dvuch paviedamleńniaŭ rasijskaha Ministerstva zamiežnych spraŭ, što rasijskaja palityka znachodzicca na baku arhanizataraŭ pratestaŭ», — zajaviŭ Džukanavič u intervju telebačańniu Bośnii.
Na jaho dumku, Rasija choča spynić na šlachu ŭ NATA nie tolki Čarnahoryju, ale i ŭvieś bałkanski rehijon.
«Prypynieńnie pracesu pašyreńnia NATA na Bałkanach źjaŭlajecca aficyjnaj metaj rasijskaj dziaržaŭnaj palityki, i tamu siońnia my pavinny prama zaklučyć, što arhanizatary pratestaŭ u Čarnahoryi majuć vielmi mocnyja apornyja punkty ŭ peŭnych palityčnych centrach, u peŭnych centrach ekanomiki i biaśpieki i ŭ inšaha rodu centrach za miežami Čarnahoryi», — skazaŭ Džukanavič.
Apazicyjnyja siły arhanizavali ŭ Padhorycy, stalicy Čarnahoryi, niekalki akcyj pratestu z patrabavańniem adstaŭki ŭrada Miła Džukanoviča. Apazicyjaniery krytykujuć stan ekanomiki ŭ krainie, a taksama płany ŭstupleńnia krainy ŭ NATA. Jany pastavili namiotavy łahier la budynka parłamienta. Jon prastajaŭ try tydni, paśla čaho palicyja jaho źniesła.
U demanstracyjach brali ŭdzieł niekalki tysiač čałaviek. Apazicyjnyja partyi nazvali svaju kaalicyju Demakratyčny front.
Nastupny mitynh čarnahorskaj apazicyi pryznačany na subotu.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć23
Kamientary