U Maroka pakul nie viarnulisia bolš za dźvie tysiačy čałaviek z 70 tysiač.
Ministerstva ŭnutranych spraŭ Maroka aficyjna rastłumačyła pryčyny masavaha patoku mihrantaŭ u ispanskuju Sieutu na minułym tydni, piša Bild.
Pieršaja pryčyna — iłžyvaja infarmacyja ŭ sacyjalnych sietkach. Napłyŭ mihrantaŭ uźnik spantanna, zajaviŭ pradstaŭnik ministerstva. Mnohija mihranty raskazvali ispanskim ŚMI, što daviedalisia pra nibyta adkrytuju miažu dziakujučy videa i paviedamleńniam na takich płatformach, jak tyktok.
Druhaja pryčyna, pavodle marakanskaha ministerstva, — niapravilnaje tłumačeńnie rašeńnia ispanskaha suda, zhodna ź jakim zatrymanych u mory mihrantaŭ bolš nielha nieadkładna viartać nazad.
Razam z tym Maroka paćvierdziła svaju prychilnaść baraćbie ź nielehalnaj mihracyjaj.
Adnak hetaj zajavie supiarečać danyja ispanskich siłavych struktur, pavodle jakich marakanskija pamiežniki niezadoŭha da masavaha pierasiačeńnia miažy adyšli ad miažy ź Sieutaj. Jak paviedamlajuć ispanskija ŚMI, niekalki mihrantaŭ niezaležna adzin ad adnaho raskazali, što ich nie spyniali, a naadvarot — zaachvočvali da pierasiačeńnia miažy.
U Maroka pakul nie viarnulisia bolš za dźvie tysiačy čałaviek. Paviedamlajecca, što situacyja na ŭźbiarežžy Sieuty stabilizavałasia.
«Amal usie, chto prybyŭ u Sieutu, na hety momant užo viarnulisia ŭ Maroka», — napisaŭ u sacyjalnaj sietcy X ministr zamiežnych spraŭ Ispanii Chase Manuel Albares.
Pavodle danych Ministerstva ŭnutranych spraŭ Ispanii, u Sieucie ŭsio jašče znachodziacca kala dźviuch z pałovaj tysiač hramadzian Maroka. Karespandent Bild Dźmitryj Zojbiel taksama paviedamiŭ, što ŭ ispanskim ekskłavie zastajucca sotni mihrantaŭ.
Ciapier čytajuć
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła2
Kamientary
2. Ani słova pra pomstu ZŠA i Izraila, cikava.
3. Cikava, ci ŭ hetym vypadku, nielehałam dapamahali levyja aktyvisty NDA, jak heta było ŭ vypadku Italii ci na mažy ź Biełaruśju.
1.Staraja terytaryjalnaja sprečka pamiž Maroka i Ispanijaj za Sieutu i Mielillu.
2.Paciapleńnie pamiž aficyjnym Madrydam i Ałžyram, jaki nie vyznaje suvierenitetu Maroka nad Zachodniaj Sacharaj.
3.Paciapleńnie stasunkaŭ pamiž Maroka i ZŠA praz pryznańnie Trampam suvierenitetu Maroka nad Zachodniaj Sacharaj na fonie achałodžvańnia stasunkaŭ pamiž Ispanijaj i ZŠA. U hetych umovach ułady Maroka vyrašyli zładzić hibrydnuju mihracyjnuju ataku na Sieutu, kab nacisnuć na Madryd.