Na svabodu vyjšaŭ asudžany pa spravie kanała «Armija z narodam» Siarhiej Jaraševič, muž Antaniny Kanavałavaj
Jon adsiedzieŭ kala šaści hadoŭ.
U mai 2021 hoda Siarhieja asudzili na 6 hadoŭ i 3 miesiacy kałonii pa spravie telehram-kanała «Armija z narodam».
«Małyja narešcie dačakalisia taty na voli i ŭ biaśpiecy. Bolš za ŭsio chočacca, kab hety dzień nastaŭ dla kožnaha palitviaźnia, kab kožny apynuŭsia ŭ abdymkach samych darahich ludziej, kab bolš nichto nie čakaŭ svaich blizkich za kalučym drotam», — napisała jaho žonka, byłaja palitźniavolenaja Antanina Kanavałava.
Siarhieja zatrymali ŭ kastryčniku 2020 hoda, a paźniej asudzili pavodle artykułaŭ ab hrubym parušeńni paradku (artykuł 342 KK), padrychtoŭcy i ŭdziele ŭ masavych biesparadkach (častki 2 i 3 artykuła 293 KK).
Pieršapačatkova Siarhieju pryznačyli pakarańnie ŭ vyhladzie 5 hadoŭ i 6 miesiacaŭ kałonii. Adnak paźniej dadali jašče dzieviać miesiacaŭ.
Ciapier čytajuć
Toj samy masažyst raskazaŭ, navošta zdymaŭ hołych klijentak22
Kamientary