U punkcie propusku «Bieniakoni» hrodzienskija mytniki spynili sprobu ŭvozu ŭ Biełaruś chałodnaj zbroi. Šablu z pochvaj pieravoziŭ 47‑hadovy kiroŭca aŭtamabila Volvo, jaki prybyŭ ź Litvy, paviedamlaje Dziaržaŭny pamiežny kamitet.
Mužčyna prajazdžaŭ praz «čyrvony kalidor», dzie aformiŭ pasažyrskuju mytnuju dekłaracyju na časovy ŭvoz transpartnaha srodku i paviedamiŭ, što inšych tavaraŭ, jakija padlahajuć abaviazkovamu dekłaravańniu, nie maje.
Adnak padčas ahladu aŭtamabila supracoŭniki mytni znajšli šablu z pochvaj. Ekśpiertyza, praviedzienaja Mytnaj łabaratoryjaj, paćvierdziła, što znojdzieny pradmiet adnosicca da katehoryi chałodnaj zbroi.
U vyniku Hrodzienskaja rehijanalnaja mytnia raspačała administracyjny praces pavodle častki 1 artykuła 15.5 Kodeksa Respubliki Biełaruś ab administracyjnych pravaparušeńniach.
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary
"A voś adzin kazak jak schopić z pochvy šablu, jak zamachniecca, — prypior pana da ścienki." (Harecki, "Na imperyjalistyčnaj vajnie")
"Jaho kurtka j šaravary byli z darahoha matarjału, ale paliniaŭšyja j panošanyja, a załacistyja kružavy na ich mocna paćmianieli, bryžy byli pamiatymi j papsovanymi; piaro na kapialušy, złomanaje i zapeckanaje, mieła davoli niaprynadny vyhlad; na pojasie visieła doŭhaja špaha ŭ zairžaviełaj žaleznaj pochvie." (Kraŭcoŭ, pierakład "Prync i žabrak")