IX Mižnarodny fiestyval teatraŭ lalek projdzie ŭ Minsku z 13 pa 17 maja, paviedamili ŭ Biełaruskim dziaržaŭnym teatry lalek.
Maštabny forum, jaki prachodzić raz na dva hady, adčynić svaje dźviery dla ŭsich amataraŭ sapraŭdnaha teatralnaha mastactva. Za piać dzion minčanie i hości stalicy ŭbačać 14 śpiektaklaŭ. Najlepšyja kalektyvy Biełarusi, Rasii, Ukrainy, Litvy, Polščy, Izraila pakažuć svaju tvorčaść. A ŭsiaho za hady praviadzieńnia fiestyvalu Minsk naviedała ŭžo bolš za 50 teatraŭ z roznych kutkoŭ śvietu.
Sioleta arhanizatary padorać hledačam mahčymaść ubačyć nie tolki novyja, ale i śpiektakli, jakija źjaŭlajucca łaŭreatami šmatlikich fiestyvalaŭ i ŭładalnikami najvyšejšych teatralnych uznaharod. Naprykład, u prahramie forumu śpiektakl «Vania» teatra Karlsson Haus (łaŭreat najvyšejšaj teatralnaj premii Sankt-Pieciarburha «Załaty safit», naminant rasijskaj Nacyjanalnaj teatralnaj premii i fiestyvalu «Załataja maska» 2016 hodu) i śpiektakl «Zabić Karala» Pienzienskaha abłasnoha teatra «Lalečny dom» (čatyry razy łaŭreat rasijskaj Nacyjanalnaj teatralnaj premii «Załataja maska»).
Asablivaść sioletniaha fiestyvalu — u raznastajnaści žanraŭ i formaŭ, a taksama ŭ šyracie pradstaŭlenych arhanizacyjna-tvorčych struktur. U fiestyvalnaj prahramie ŭdzielničajuć dziaržaŭnyja, akademičnyja, a taksama pryvatnyja teatry.
Usie biełaruskija kalektyvy pradstaviać pracy, stvoranyja za apošni čas. U asnovie bolšaści śpiektaklaŭ — suśvietnaja litaraturnaja kłasika. Zamiežnyja hości ŭ svaju čarhu padorać vidoviščnyja i vielmi kranalnyja pradstaŭleńni dla dziaciej. U tym, što teatr lalek značna bolš raznastajny za isnujučyja pra jaho ŭjaŭleńni, hledačoŭ pierakanajuć śpiektakli dla darosłych.
Tradycyjna padčas fiestyvalu buduć pravodzicca majstar-kłasy i dyskusii z hledačami i krytykami. Taksama ŭsich čakaje viečar teatralnaj muzyki «Lalečny rok-n-roł», prahrama pradstavić kampazicyi, napisanyja śpiecyjalna dla teatraŭ lalek.
Śpiektakli forumu projduć na piaci placoŭkach horada — Biełaruskaha dziaržaŭnaha teatra lalek, Novaha dramatyčnaha teatra, Biełaruskaha respublikanskaha teatra junaha hledača, Biełaruskaha dziaržaŭnaha maładziožnaha teatra i małoj scenie Nacyjanalnaha akademičnaha teatra imia Janki Kupały.
Arhanizatary forumu — Ministerstva kultury, Minharvykankam i Biełaruski dziaržaŭny teatr lalek.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Kamientary