Viadomy futurołah: u 2050 hodzie seks z robatami stanie bolš papularnym za seks ź ludźmi
Jen Pirsan, vynachodnik, jaki zrabiŭ karjeru na pradkazańniach budučyni dla PR-kampanij, padrychtavaŭ dakład pra budučyniu seksu.
Robaty pavoli vyciaśniajuć čałavieka z roznych śfier dziejnaści, a vielmi chutka štučny intelekt zamienić naturalny ŭ intymnym žyćci. Pra heta piša The Daily Mail, spasyłajučysia na dakład brytanskaha futurołaha Jena Pirsana.
Ludzi buduć kuplać robataŭ, kab vykarystoŭvać ich ŭ pobycie. Pry hetym, zrazumieła, nichto nie stanie abzavodzicca niepryvabnym vyrabam. Dalej ŭładalniki pačnuć ŭstaloŭvać z robatami ŭzajemaadnosiny i ŭrešcie niepaźbiežna zojmucca ź imi seksam.
Takim čynam, na dumku Pirsana, žančyny i mužčyny pačnuć zamianiać svaich partnioraŭ u spalni na androidaŭ ŭžo na praciahu bližejšych 10 hadoŭ.
Seks-robaty buduć «idealna padychodzić dla tych ludziej, jakija chočuć žyć svaimi fantazijami biez strohich i emacyjnych abaviazacielstvaŭ, jakija ŭłaścivy realnym adnosinam», havorycca ŭ dakładzie Pirsana. Tym nie mienš, adznačaje jon, šmat chto ličyć, što sekboty niebiaśpiečnyja i niedapuščalnyja, pakolki mohuć surjoznym čynam razburyć čałaviečyja adnosiny.
U 2030 hodzie bolšaść ludziej budzie mieć dośvied zaniatkaŭ roznymi formami virtualnaha seksu z dapamohaj admysłovych pryładaŭ. Naprykład, kantaktnych linzaŭ, jakija dazvalajuć «ŭdaskanalvać» źniešni vyhlad svajho partniora, rabić jaho vizualna pryvabnym i bolš statnym, ci ŭvohule zamianiajučy jaho fizijanomiju na tvar jakoj-niebudź znakamitaści. I heta budzie taksama naturalna, jak siońnia — prahlad porna, śćviardžaje Pirsan.
U 2035 hodzie, ličyć Pirsan, padobnyja seks-cacki buduć u bolšaści damoŭ. A jašče trochi paźniej — pryblizna da 2050 hoda — seks z robatami stanie navat bolš papularnym za seks ź ludźmi.
Pirsan taksama ličyć, što ŭ budučyni mnohija robaty zmohuć ŭstaloŭvać suviaź ź niervovaj sistemaj čałavieka i navat zadziejničać jaho mroi. U vyniku miechaničnyja mašyny atrymajuć amal daskanały štučny intelekt, hatovy prapanavać čałavieku «adrehulavanuju asobu z tym emacyjnym bahažom, jaki jon choča».
Ad hetaha «seks stanie praściejšym, biaśpiečniejšym, čaściejšym i značna pryjemniejšym», ličyć futurołah.
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki1
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary