U Minsku vystupić biełaruski pijanist suśvietnaha ranhu Juryj Blinoŭ
Za šumnymi imprezami fiestyvalu Bašmieta amal niezaŭvažanaj zastałasia padzieja ŭ muzyčnym žyćci, jakaja pakazvaje, što ŭ našaj krainie jość muzykanty suśvietnaha ŭzroŭniu.
21 vieraśnia adbyŭsia pieršy kancert cykłu «Usie fartepijannyja sanaty Siarhieja Prakofjeva», prymierkavany da 125-hodździa hienijalnaha kampazitara. Hety vialiki tvorčy prajekt zadumaŭ i vykonvaje viadomy biełaruski pijanist Juryj Blinoŭ.
Ab unikalnaści prajekta śviedčyć toj fakt, što tolki dvoje z sučasnych pijanistaŭ śvietu — Jafim Bronfman i Frederyk Čyu — uvasobili jaho kaliści na kancertnaj scenie.
Kancerty pieršaj častki prajekta ŭžo adbylisia taksama ŭ Homieli i Breście, nadalej kancerty płanujucca ŭ inšych haradach Biełarusi, a paśla — u Rasii, Ukrainie, Hiermanii, ZŠA i Izraile.
10 listapada a 19 hadzinie ŭ kancertnaj zale Biełdziaržfiłarmonii adbudziecca druhi kancert cykłu «Usie fartepijannyja sanaty Siarhieja Prakofjeva». U vykanańni Juryja Blinova prahučyć słavutaja vajennaja Tryjada (sanaty №6, 7, 8), a taksama sanata №3 «Sa starych sšytkaŭ».
Na dumku artysta, «pryjšoŭ čas, kali ŭ tvorčaści Siarhieja Prakofjeva pačynaje vyśviatlacca mastacki pačatak, jaki zaŭsiody chavaŭsia za jaho «stalovym» pijanizmam». Zaprašajem amataraŭ kłasičnaj muzyki atrymać asałodu ad takoj traktoŭki viadomych sanat.
Kamientary