Andrej Chadanovič, Pavał Kaściukievič, Uładzimir Mackievič i viadomyja haradzienskija muzyki 19 listapada dapamohuć adkryć knižnuju siekcyju ŭ etnakramie «Cudoŭnia» (Hrodna, vuł. Vialikaja Trajeckaja, 14).
15.00 — Ciahnik «Badler—Harodnia»: paet Andrej Chadanovič i prazaik Pavieł Kaściukievič.
Viadomy paet, pierakładčyk, bard Andrej Chadanovič prezientuje svaju novuju knihu vieršaŭ «Ciahnik Čykaha—Tokijo», a taksama knihu vieršaŭ Šarla Badlera ŭ pierakładzie na našu movu.
Prazaik, pierakładčyk, pieršy łaŭreat premii imia Ježy Hiedrojca Pavał Kaściukievič prezientuje raman «Płan Babarozy».
17.00 — Uładzimir Mackievič, fiłosaf i mietadołah.
Prezientacyja antałohii biełaruskaha myśleńnia «Kod prysutnaści», zbornika «Cytuj svajo» i inšych vydavieckich prajektaŭ.
Ad nievialičkich cytataŭ biełaruskich myślaroŭ, mastakoŭ, kulturnych i hramadskich dziejačaŭ da hruntoŭnych tekstaŭ samych roznych žanraŭ i stylaŭ, što adlustroŭvajuć intelektualny pošuk biełarusaŭ za apošnija 15 hod — adny z samych cikavych intelektualnych vydavieckich prajektaŭ 2016 hoda, Hoda biełaruskaha myśleńnia. Parazvažajem pra sučasnaje biełaruskaje myśleńnie, jaho styl i admietnaść, hierojaŭ i znakavyja padziei, asnoŭnyja temy i prablemnyja pytańni. Razam z antałohijaj «Kod prysutnaści» i zbornikam «Cytuj svajo» buduć pradstaŭlenyja i raniejšyja knihi, jak ŭłasna aŭtarskija vydańni, tak i supolnyja z kalehami z Ahiencyi humanitarnych technałohij prajekty.
Uvaha! Usie prezientavanyja vydańni ŭ hety dzień možna budzie nabyć u kramie pa śpiecyjalnym košcie, a taksama atrymać aŭtohraf Uładzimira Mackieviča.
Aŭtary samych cikavych pytańniaŭ atrymajuć ad fiłosafa ŭ padarunak zbornik «Cytuj svajo».
19.00 — Utulny muzyčna-paetyčny viečar z udziełam viadomych haradzienskich muzykaŭ (Aleś Dzianisaŭ, Ivan Pačyvałaŭ, Andrej Nieściarovič i inš.)
Zaprašajem usich zacikaŭlenych dałučycca da padziei!
Uvachod volny.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary