«Vopli Vidaplasava» viazuć u Minsk pieśni pa-biełarusku: čytačam «NN» — źnižki na kvitki i mahčymaść atrymać padarunak ad Aleha Skrypki
11 lutaha, Prime Hall (pr.Pieramožcaŭ, 65, HC «Zamak»). Pačatak a 19:00.
U lutym u Minsku budzie horača! Lehiendarnyja ŭkrainskija rok-muzyki «Vopli Vidaplasava» z Aleham Skrypkam, paśla kancertnych anšłahaŭ u Łondanie, Paryžy i Dublinie, syhrajuć kancert u Minsku.
Buduć najlepšyja chity: «Viesna», «Dień narodžieńnia», «Hala», «Tanci». A jašče Aleh Skrypka rychtuje dla svaich fanataŭ muzyčnyja siurpryzy na biełaruskaj movie i niekalki ekskluziŭnych kampazicyj z novaha alboma «VV».
«My zaŭždy z radaściu čakajem sustrečy ź biełaruskimi bratami. Ukraina šanuje padtrymku i siabroŭstva Biełarusi.
VV čakaje biełaruskich siabroŭ u Prime Hall 11 lutaha!» — kaža Aleh Skrypka.
Napiaredadni minskaha kancerta «Vopli Vidaplasava» abviaščajuć konkurs dla čytačoŭ «Našaj Nivy» — pišycie ŭ kamientary pad artykułam pytańni da hurtu, aŭtar najlepšaha atrymaje zaprašeńnie na meet&greet z «Voplami».
Meet&greet — heta adnačasova i sustreča z fanatami, i aŭtohraf-siesija, i mahčymaść sfatahrafavacca z kumirami.
Trapić na sustreču z hurtom — a jašče i atrymać ad Aleha Skrypki firmovuju kašulu! —možna i jašče adnym sposabam: praz udzieł u interaktyŭnym konkursie.
Umovy nastupnyja:
Raźmiaščajecie ŭ sacsietkach svaje fota albo sełfi, pryśviečanyja tvorčaści VV albo zroblenyja ŭ tematycy ci styli VV
Dadajecie chešteh #nn_vopli_msq.
Aktyŭna zaklikajecie siabroŭ łajkać svoj post.
Pieramožcami buduć tyja, chto nabiare bolšuju kolkaść łajkaŭ. Dziasiatka najlepšych budzie zaprošanaja na meet&greet z hurtom, a absalutny pieramožca atrymaje supierpryz piersanalna ad Skrypki.
Jašče adzin śpiecpryz — dla ŭsich čytačoŭ «NN» — źnižka na bilety! Kab jaje atrymać, treba, zarehistravaŭšysia na sajcie biletnaha apieratara ticketpro.by, pierajści pa hetaj spasyłcy, abrać upadabany bilet i, nacisnuŭšy knopku sprava ad cany, pabačyć varyjant sa źnižkaj «Naša Niva proma». U akiency promakod uvieści: NNVOPLI. U akiency sprava ad cany treba paznačyć kolkaść biletaŭ, jakija Vy nabyvajecie, i nacisnuć «Dadać u košyk». Dalej — sprava techniki:)
Kamientary