8 krasavika (subota) ŭ Vierchnim horadzie adbudziecca fiestyval vuličnaj muzyki Karol Jan Open Air. Na praciahu siami hadzin na troch scenach buduć hrać 15 samych roznych stryt-bendaŭ krainy, a ŭviečary ŭsich haściej čakaje vialiki kancert pad adkrytym niebam. U prahramie fiestyvalu praduhledžany muzyčnyja sety ad samych papularnych baraŭ Zybickaj, stryt-karaokie i vystupleńnie adnaho z samych papularnych biełaruskamoŭnych hurtoŭ Biełarusi — hurtu Akute.
Prahrama fiestyvalu:
Viečaryna dniom, abo Blonde Party (15:00 — 20:00)
Dniom usich haściej fiestyvalu čakaje raznastajnaja muzyčnaja prahrama: ad cymbałaŭ i techna da kavier-bendaŭ i bitboksieraŭ. Kala baraŭ na Zybickaj uvieś čas možna budzie pačuć muzyčnyja sety, paśpiavać u stryt-karaokie.
Na Karol Jan Open Air hledačy taksama zmohuć abrać najlepšy stryt-bend, jaki atrymaje ŭ padarunak zdymki stryt-klipa. Ščaśliŭčyka abiaruć hałasavańniem: u kožnym bary Zybickaj možna budzie atrymać śpiecyjalny žeton i pakłaści jaho ŭ kapialuš taho benda, vystup jakoha spadabajecca bolš za ŭsio. U hałasavańni taksama voźmie ŭdzieł i zornaje žury oŭpen-ejra: u jaho skład uvojduć pradstaŭniki brenda «Alivaryja», chedłajnier fiestyvalu hurt Akute, muzyčny krytyk Alaksandr Čarnucha, muzyčny žurnalist Siarhiej Malinoŭski, a taksama kampazitar Alaksandr Lipnicki.
«Ciomny» bok na Dunkel Party (20:00 — 22:00)
Uviečary ŭsich haściej oŭpen-ejr čakaje vialiki kancert pad adkrytym niebam, na jakim vystupiać hałoŭny siurpryz fiestyvalu — hurt Akute, a taksama buduć padviedzienyja vyniki hałasavańnia i nazvany najlepšy stryt-bend.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary