Minskija piedahohi znajšli sposab abyści zahad ab pačatku zaniatkaŭ a 9-j
Staličnyja škoły znajšli sposab abyści zahad ab pačatku zaniatkaŭ a 9-j hadzinie. Jak stała viadoma «Našaj Nivie», zaniatki ŭ nastupnym navučalnym hodzie aficyjna buduć pačynacca a 9-j, ale ad 8.00 ci 8.15 u raskładzie buduć stajać fakultatyvy.
Jak viadoma, prahramy i kolkaść navučalnych hadzin na ich vyvučeńnie ciapier takija, što biez fakultatyvaŭ narmalnaje zasvajeńnie viedaŭ pa asnoŭnych pradmietach niemahčymaje. Akramia taho, sistema apłaty pracy piedahohaŭ takaja, što fakultatyvy nieabchodnyja, kab zarobak byŭ vyšejšy. Farmalna naviedvańnie fakultatyvaŭ svabodnaje, ale faktyčna ŭ bolšaści haradskich ustanoŭ adukacyi heta zvyčajnyja zaniatki.
Jak raskazali «Našaj Nivie» ŭ dźviuch minskich i dźviuch bresckich škołach, apytańnie baćkoŭ pakazała, što absalutnaja bolšaść ich, ad 80 da 95% u zaležnaści ad ustanovy, kateharyčna niazhodnaja ź pieranosam pačatku zaniatkaŭ na 9.00, choć by z toj pryčyny, što pracoŭny dzień u baćkoŭ pačynajecca raniej.
Niehatyŭna pastavilisia da novaŭviadzieńnia i apytanyja nami piedahohi: na ich dumku, heta prykład valuntaryzmu niekampietentnych ludziej. Varyjant z ranišnimi fakultatyvami dazvalaje, kab byli i vaŭki sytyja, i aviečki cełyja.
Minadukacyi ŭžo adrapartavała, što 82% škoł buduć pačynać zaniatki z 1 vieraśnia ŭ 9:00, a ad 8.30 buduć pracavać tolki tyja ŭstanovy, dzie dzieci vučacca ŭ dźvie źmieny.
-
«Nacyjanalnaja identyčnaść — najvažniejšy instrumient supracivu ruskamu miru»: Cichanoŭskaja vystupiła na Forumie imia Kaściuški
-
Šukajuć namieśnika ideołaha Bresckaj vobłaści. Prafiesijnyja patrabavańni ścipłyja, a zarobak kučaraviejšy, čym u Minsku
-
Pravaabaroncy paviedamili pra 30 pieratrusaŭ u svajakoŭ emihrantaŭ
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič18
Kamientary