Kalehija Viarchoŭnaha cuda nie zadavoliła apelacyjnaj skarhi na prysud Viciebskaha abłasnoha sudu žychara Viciebsku Stanisłava Hančarova, viadomaha pad mianuškaj «teror-mašyna».
Stanisłaŭ Hančaroŭ, jaki vajavaŭ u zonie ATA va Ŭkrainie dobraachvotnikam u pałku «Azoŭ», byŭ aryštavany pa viartańni ŭ Biełaruś u 2016 hodzie i tut asudžany na 7 hadoŭ pazbaŭleńnia voli. Maładoha čałavieka pryznali vinavatym u rabaŭnictvie ŭ składzie hrupy, raździmańni rasavaj i nacyjanalnaj varažaści, zachoŭvańni parnahrafii z metaj raspaŭsiudu praź internet i złosnym chulihanstvie.
Prysud Stanisłavu Hančarovu pakinuli biaź źmienaŭ.
Sioleta ŭ sakaviku razam sa Stanisłavam Hančarovym Viciebski abłasny sud asudziŭ na terminy ad 1 hodu abmiežavańnia voli da 6 hadoŭ pazbaŭleńnia voli jašče 7 junakoŭ. Pra abskardžvańnie prysudaŭ saŭdzielnikami Hančarova nieviadoma.
Pačynajučy z 2012 hodu, pavodle pravaachoŭnych orhanaŭ, Stanisłaŭ Hančaroŭ byŭ lideram futbolnaj fanackaj hrupoŭki, zaklikaŭ da źniavahi i źbivańnia ludziej niesłavianskaj źniešnaści, sam udzielničaŭ u hetych dziejańniach. Adzin z paciarpiełych, 17-hadovy chłopiec, raskazaŭ na sudzie pra padziei, jakija adbylisia ŭ Viciebsku.
«Heta adbyłosia na terytoryi kaledžu. Pastralali mnie pa nahach z pneŭmatyki. Jašče mianie prymušali tancavać, pieradavać pryvitańnie Ŭkrainie», — raspaviadaŭ paciarpieły. Miž tym Stanisłaŭ Hančaroŭ, pavodle blizkich da jaho krynic, viny na sudzie nie pryznaŭ.
Apelacyju Stanisłava Hančarova Viarchoŭny Sud razhladaŭ 16 červienia. Na apelacyju pryjaždžali znajomyja Stanisłava Hančarova ź Viciebsku, ale na razhlad skarhi ich nie dapuścili. Sudździ spasłalisia na toje, što pasiadžeńnie ŭ Viciebskim abłasnym sudzie było zakrytym, tamu i apelacyjnuju skarhu taksama musiać razhladać za začynienymi dźviaryma.
Bolš za hod Stanisłava Hančarova ŭtrymlivajuć u viciebskim SIZA. Ciapier, kali ličycca, što prysud Hančarovu ŭstupiŭ u siłu, asudžanaha nakirujuć u adnu z kalonij (jakuju dakładna, nieviadoma).
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary