Akt uvodu ŭ ekspłuatacyju Viciebskaj hidraelektrastancyi padpisany siońnia. Pra heta paviedamiŭ žurnalistam ministr enierhietyki Uładzimir Patupčyk, jaki ŭziaŭ udzieł va ŭračystym mierapryjemstvie z nahody zapusku novaj elektrapadstancyi ŭ Pastaŭskim rajonie Viciebskaj vobłaści, pieradaje BIEŁTA.
«U hetyja chviliny adbyłasia jašče adna važnaja padzieja dla našaj enierhasistemy — byŭ padpisany akt uvodu Viciebskaj HES. Heta znakavy abjekt, jaki my taksama pabudavali razam z kitajskimi partniorami. Samaja bujnaja hidraelektrastancyja biełaruskaj enierhasistemy, mahutnaściu 40 MVt», — skazaŭ ministr.
Mahutnaści Viciebskaj HES dastatkova, kab zabiaśpiečyć elektraenierhijaj spažyŭcoŭ Viciebskaha rajona. Jaje praca źnizić spažyvańnie ekspartavanaha pryrodnaha hazu, što daść mahčymaść pavysić enierhietyčnuju biaśpieku krainy.
Realizacyju inviestycyjnaha prajekta «Budaŭnictva Viciebskaj HES na race Dźvina Viciebskaj vobłaści» RUP «Viciebskenierha» pačało ŭ 2010 hodzie. Hienieralnym padradčykam budaŭnictva vystupała zamiežnaja padradnaja arhanizacyja «Kitajskaja nacyjanalnaja karparacyja pa elektraabstalavańni» (CNEEC). Absłuhoŭvańniem abjekta na etapie budaŭnictva sumiesna sa śpiecyjalistami RUP «Viciebskenierha» zajmalisia pradstaŭniki kampanii CNEEC, čyjo abstalavańnie ŭstanoŭlenaje na HES. Usiaho ž na abjekcie byli zadziejničanyja bolš za dziasiatak prajektnych, budaŭničych i elektratechničnych arhanizacyj.
Prajekt składajecca z troch častak. Asnoŭnyja abjekty budaŭnictva — hidravuzieł, jaki składajecca z čatyroch hidraahrehataŭ mahutnaściu 10 MVt kožny, schiema vydačy mahutnaści ŭ enierhasistemu i vadaschovišča. Pabudavanyja zbudavańni hidravuzła, vadaźliŭnoj płaciny, ziemlanoj płaciny, ORU-110kV i sudnachodny šluz.
Čakanaja hadavaja vypracoŭka elektraenierhii składzie 138 młn kVt·h. Absłuhoŭvać novuju stancyju budzie kala 30 čałaviek.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary