Miljarder Iłan Mask znoŭ stanie aficyjnym daradcam administracyi prezidenta ZŠA Donalda Trampa. Jon budzie adnym z kiraŭnikoŭ Project Meridian — prajekta Pientahona, pryśviečanaha vyvučeńniu taho, jak mohuć vyhladać vojny budučyni, piša Euronews.
Pra heta kiraŭnik Pientahona Pit Chiehsiet zajaviŭ 30 vieraśnia na vajskovaj bazie Kuancika. Ź jahonych słoŭ, Project Meridian stanie inicyjatyvaj, u jakoj buduć pracavać najbolš mocnyja amierykanskija śpiecyjalisty, kab daśledavać budučyniu viadzieńnia vojnaŭ. U prajekt płanujuć pryciahnuć pradstaŭnikoŭ pryvatnaha siektara, a taksama ekśpiertaŭ ź inavacyjnaj, akademičnaj i palityčnaj śfier.
Mask budzie adnym z troch sustaršyniaŭ prajekta. Razam ź im jaho ŭznačalać 34‑hadovy Pałmier Łaki, suzasnavalnik abaronnaj technałahičnaj kampanii Anduril Industries, i 83‑hadovy Ńjut Hinhryč, były śpikier Pałaty pradstaŭnikoŭ ZŠA ad Respublikanskaj partyi.
Chiehsiet zajaviŭ, što prajekt pavinien vyznačyć napramki, u jakich ZŠA nieabchodna atrymać pieravahu, i technałohii, jakimi kraina pavinna avałodać. Vyniki pracy płanujecca pradstavić ciaham 120 dzion.
Raniej Mask užo pracavaŭ u administracyi Donalda Trampa. U 2024 hodzie jon padtrymaŭ Trampa padčas prezidenckaj kampanii, a paśla jaho viartańnia ŭ Bieły dom uznačaliŭ Departamient pavyšeńnia efiektyŭnaści dziaržaŭnaha kiravańnia DOGE. Pad jaho kiraŭnictvam u fiederalnych viedamstvach ZŠA prajšli maštabnyja skaračeńni. U mai 2025 hoda Mask pakinuŭ hetuju pasadu.
Kampanii Maska ŭžo majuć ščylnyja suviazi ź Pientahonam. SpaceX źjaŭlajecca adnym z klučavych padradčykaŭ amierykanskaha abaronnaha viedamstva i stvaraje spadarožnikavyja sietki dla płanavanaha administracyjaj Trampa supraćrakietnaha ščyta Golden Dome («Załaty kupał»). Kampanija Maska ŭ śfiery štučnaha intelektu xAI sioleta taksama ŭkłała pahadnieńnie, jakoje dazvalaje amierykanskim vajskoŭcam vykarystoŭvać čat-bot Grok u zakrytych infarmacyjnych sistemach.
Paśla prezidenckich vybaraŭ 2024 hoda adnosiny Maska i Trampa istotna pahoršylisia praz supiarečnaści vakoł zakonaprajekta ab dziaržaŭnych vydatkach. Adnak paźniej jany pamirylisia, i Mask znoŭ staŭ časta źjaŭlacca ŭ Biełym domie, choć užo nie nastolki rehularna, jak u pieršyja miesiacy novaj administracyi.
29 vieraśnia Mask siadzieŭ pobač z Trampam na pracoŭnym abiedzie z kiraŭnikami kampanij u śfiery štučnaha intelektu. Tam jon razam ź inšymi pradstaŭnikami industryi padpisaŭ dobraachvotnaje pahadnieńnie ab biaśpiecy ŠI, jakoje Tramp nazvaŭ «maralna abaviazkovym».
Na minułym tydni Mask taksama prysutničaŭ na dziaržaŭnaj viačery Trampa ŭ honar staršyni KNR Si Dzińpina. U mai jon lotaŭ u Piekin na borcie prezidenckaha samalota Air Force One u składzie biznes-delehacyi, jakaja supravadžała Trampa padčas dziaržaŭnaha vizitu ŭ Kitaj.
Adnačasova Mask adnaviŭ značnyja finansavyja achviaravańni ŭ padtrymku respublikancaŭ. Pavodle zvodnych źviestak Fiederalnaj vybarčaj kamisii ZŠA, padčas vybaraŭ 2024 hoda jon vydatkavaŭ bolš za 250 miljonaŭ dalaraŭ na padtrymku Trampa i inšych respublikancaŭ, a da listapadaŭskich pramiežkavych vybaraŭ užo pieraličyŭ nie mienš za 90 miljonaŭ dalaraŭ.
Starship Iłana Maska ŭpieršyniu vyjšaŭ na arbitu Ziamli
Tramp zajaviŭ, što ŭ ZŠA stvorać «Siły ŠI» i pryznačać adkaznaha za raźvićcio štučnaha intelektu
«My nie viedajem, jak dabicca ałajnmentu takich sistem». Razmovy pra pahrozy ŠI — zmova OpenAI, Google i Anthropic?
«Hulajcie ŭ videahulni abo budziecie tupymi!» Što za daśledavańnie pracy mozhu tak uschvalavała Iłana Maska
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary
Eto miechanizm t.n. miežviedomstviennoj rabočiej hruppy (v tierminach postsovietskoho prostranstva), kuda rukovoditielej častnych kompanij privlekajut dla połučienija ekśpiertnoj poddieržki v tiech obłastiach, hdie znanij hossłužaŝich niedostatočno.
V ciełom privlečienije Maska kak vładielca SpaceX k voprosu opriedielenija stratiehii vkdienič vojn buduŝieho vpołnie opravdano, jeho Starlink užie dokazał svoju isklučitielnuju važnosť dla vojennych diejstvij