Bi-bi-si sustrełasia z byłym kiraŭnikom Maskoŭskaj antydopinhavaj łabaratoryi Hryhoryjem Rodčankavym u zasakrečanym miescy. U ramkach prahramy abarony śviedak Rodčankavu nielha vydavać miesca žycharstva. Padčas intervju jon byŭ u mascy: jamu nielha pakazvać tvar z-za pahrozy z boku ahientaŭ Maskvy.
Mižnarodny alimpijski kamitet siońnia sutyknuŭsia z «najvažniejšym momantam u svajoj historyi», kaža Rodčankaŭ. Arhanizacyi treba budzie vyrašyć, ci zmohuć rasijskija spartsmieny vyjści pad nacyjanalnym ściaham na cyrymonii zakryćcia ŭ niadzielu.
«MAK pavinien pakazać, što jon paśladoŭny ŭ svajoj baraćbie z dopinham», — zaznačaje jon.
«Rasijskija čynoŭniki adkidajuć usie abvinavačvańni śćviardžajučy, što ja chłus. Jany źniavažyli ŭsich vykryvalnikaŭ, jany chłusili pierad sudom, i kali ściah dazvolać padniać, heta budzie horšym rašeńniem», — kaža Rodčankaŭ.
«Ludzi razumiejuć, čym zajmajecca MAK: falsifikacyjaj baraćby z dopinham. Heta [dazvoł padniać ściah RF] pierakreślić usie minułyja pośpiechi. Heta poŭnaje hrebavańnie mierkavańniem kamisij, usimi ich vysnovami, i dakładam Makłarena», — miarkuje jon.
Rodčankaŭ znoŭ zajaviŭ, što ab sistemie dopinhu ŭ Sočy viedali Uładzimir Pucin i ministr sportu Vital Mutko.
Urad Rasii admaŭlaje isnavańnie dopinh-schiemy, adnak Rodčankaŭ nastojvaje, što pra jaje było viadoma ŭsim. «Mnie adnamu rabić heta było b niemahčyma», — kaža jon.
«Biezumoŭna, ja vykonvaŭ zahady. Heta była kamandnaja praca. Kali patrebna była kaardynacyja, padklučałasia FSB. [Mutko] viedaŭ absalutna ŭsio, i jon paviedamlaŭ pra ŭsio prezidentu. Ja viedaju, što jon kantaktavaŭ napramuju z Pucinym. Jon kazaŭ mnie pra heta. Pucin usio admaŭlaje. Zvyčajnaja situacyja», - kaža Rodčankaŭ.
Kamientary