U Minsku pradajuć kvateru, interjer jakoj niemahčyma zabyć, chacia niekamu i zachočacca
Statuja anioła, kruhły łožak, freski. Takoje dakładna nie čakaješ ubačyć u minskaj stalincy.
«Interjer, jaki niemahčyma zabyć», — tak ryełtar apisvaje dyzajn kvatery, jakaja znachodzicca ŭ stalincy na vulicy Budzionnaha, 19 u Minsku, piša Onliner.
Sapraŭdy, stylistyčnyja rašeńni ździŭlajuć: tut i niešta sučasnaje, i antyčnaje, i kłasičnaje. Z naliŭnoj padłohi raście dekaratyŭnaje dreva, ściana ŭpryhožana statujaj anioła, a na stoli zalivajucca soncam vobłaki. Kolki kaštuje takoje žytło?
Niezvyčajnaja adnapakajoŭka znachodzicca ŭ 4‑paviarchovym cahlanym domie, pabudavanym u 1955 hodzie. Heta typovaja minskaja stalinka z arkami la ŭvachodnych hrup i prastornymi padjezdami.
Płošča kvatery — 40 kv. m.
— Heta nie «typovy ramont», jaki sustrakajecca ŭ kožnaj druhoj kvatery, — piša ryełtar. — Efiektnaja naliŭnaja padłoha, aŭtarskija freski ź imitacyjaj dreva, mastackaja kampazicyja sa statujaj žančyny-anioła, darahaja italjanskaja kuchnia, kruhły łožak, jaki stvaraje atmaśfieru boutique-apartment.
Ryełtar upeŭnieny, što kvatera idealna padychodzić dla zdačy ŭ arendu:
— Kvatera vyhladaje darahoj, atmaśfiernaj i vydatna zapaminajecca haściam. A mienavita heta siońnia prynosić vysoki dachod u pasutkavaj arendzie.
Ale, viadoma, žyć u joj na pastajannaj asnovie nichto nie zabaraniaje. Napeŭna, na śviecie jość amatary takich niestandartnych dyzajnaŭ.
Košt eklektyčnaj stalinki — 272 250 rubloŭ, abo amal $94 000 pa kursie.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1010
Kamientary