Novaje daśledavańnie pakazała, što niervovyja kletki ŭsio ž adnaŭlajucca
Novyja nazirańni za pracesam rostu kletak mozhu pakazvajuć, što niejrony («niervovyja kletki») nie tolki adnaŭlajucca, ale i adnolkava dobra farmirujucca ŭ centry pamiaci jak maładych, tak i stałych ludziej, havorycca ŭ artykule, apublikavanym u navukovym časopisie Cell Stem Cell.
«My vyjavili, što ŭ hipakampie (centry pamiaci — NN) pažyłych ludziej mohuć farmiravacca tyja ž dziasiatki tysiač novych niejronaŭ, jak i ŭ mazhach moładzi. Na karyść hetaha śviedčyć i toje, što abjom centra pamiaci ŭ starych i maładych ludziej prykładna adnolkavy», — zajaviła Maŭra Bałdryni z Kałumbijskaha ŭniviersiteta ŭ Ńju-Jorku.
Dahetul apošnija nazirańni pakazvali, što ŭ niekatorych častkach mozha prysutničajuć dosyć vialikija kałonii stvałavych kletak, jakija, jak mierkavałasia, udzielničajuć u niejrahieniezie (uźniknieńni novych niejronaŭ).
U lutym 2018 hoda niejrafizijołahi ź Ciurycha zajavili, što stvałavyja kletki amal całkam źnikajuć da staraści, tamu i niervovyja kletki nie mohuć adnaŭlacca ŭ starych ludziej.
Bałdryni i jaje kalehi vyśvietlili, što heta nie tak, vyvučyŭšy strukturu frahmientaŭ hipakampu, vyniatych z mozhu troch dziasiatkaŭ maładych i pažyłych ludziej, jakija pamierli ŭ aŭtakatastrofach i pa inšych pryčynach, nie źviazanych z chvarobami niervovaj sistemy.
Paznačyŭšy ŭsie stvałavyja kletki pry dapamozie chimičnych farbavalnikaŭ, navukoŭcy padličyli ich kolkaść i pasprabavali zrazumieć, ci sapraŭdy ich zapasy źmianšajucca da momantu nastupleńnia staraści, i, kali tak, jak heta ŭpłyvaje na tempy ŭtvareńnia novych niejronaŭ.
Jak akazałasia, zapasy niekatorych typaŭ stvałavych kletak sapraŭdy byli na minimalnym uzroŭni. Ale ž heta nijak nie ŭpłyvała na źjaŭleńnie novych niejronaŭ u centry pamiaci — u ich farmiravańni byli zadziejničany inšyja vidy «narychtovak» niervovych kletak, kolkaść jakich nie padaje z uzrostam. Usio heta śviedčyć ab tym, što niejrony praciahvajuć farmiravacca da samaj śmierci čałavieka.
-
Adbyłasia najbujniejšaja ŭ historyi ŭciečka parolaŭ: skampramietavanyja 16 miljardaŭ łahinaŭ Apple, Facebook i Google
-
Duraŭ raskazaŭ, što dumaje pra Maska, Cukierbierha i Altmana
-
Rasijanie zapuścili ŭ Biełarusi dziŭny miesiendžar — rehistracyja pa numary telefona, a voś vydalicca možna tolki kali dazvolać
Kamientary