Na videa z Asadam, źniatym nibyta rankam, cień padaje jak u abied SKRYNŠOT
Administracyja prezidenta Siryi Bašara Asada siońnia ŭranku apublikavała ŭ sacyjalnych sietkach videazapis pad nazvaj «Ranica stojkaści», dzie kiraŭnik respubliki ŭ kaściumie i ź dziełavym partfielem u rukach zachodzić, pa dadzienych Reuters, u prezidencki pałac.
صباح الصمود..
رئاسة الجمهورية العربية السورية pic.twitter.com/hhIZT6cOTe
Na videazapisie Asad zachodzić u budynak i prachodzić pa marmurovaj zale. Videazapis doŭžycca vosiem siekund, na joj prezident ničoha nie kaža.
Videa maje na mecie pakazać, što pavietranyja ŭdary nijak nie paŭpłyvali na pracu kiraŭnictva Siryi.
Praŭda, u adnym z epizodaŭ videa, jakoje było źniata, nibyta, ranieńka, cień ad dreva padaje jak u abied.
Zachodniaja kaalicyja naniesła ŭdary pa siłach Asada ŭranku 14 krasavika. Rasijskija siły ŭ Siryi nie źbili nivodnaj rakiety, bo ataka nie kranała rasijskich vajskovych baz.
Spačatku siryjcy zajavili, što źbili 13 rakiet sa 100. Paśla jany pavialičyli ličbu źbitych rakiet da pałovy. Narešcie, rasijski Hienštab abvieściŭ, što siryjskija SPA źbili 71 kryłatuju rakietu sa 103 vypuščanych. Amierykanskija i francuzskija vajskovyja viedamstvy adkazali, što ŭ ich niama padstaŭ ličyć, što niejkaja z vypuščanych rakiet była źbitaja. Varta adznačyć, što ŭ siecivie pakul nie źjaviłasia nivodnaha videa, što fiksavała b štości, padobnaje da źbićcia rakiety. Na videa z Damaska vidać, što rakiety SPA ŭźlatajuć i vybuchajuć u niebie.
Kamientary