Kitaj uvodzić padatak na preziervatyvy, kab stymulavać naradžalnaść
Ułady Kitaja ŭpieršyniu za 30 hadoŭ uvodziać padatak na dadadzienuju vartaść na supraćzačatkavyja srodki i preparaty, uklučajučy preziervatyvy. Hetaja miera, jak piša Bloomberg, źjaŭlajecca sprobaj urada spynić padzieńnie naradžalnaści ŭ krainie, jakoje pahražaje ekanamičnamu rostu.
Žycharam Kitaja daviadziecca płacić 13% PDV na kantraceptyvy.
Hetyja tavary nie abkładalisia padatkam z 1993 hoda, kali ŭ krainie, naadvarot, dziejničała palityka «adna siamja — adno dzicia» i ŭłady imknulisia abmiežavać naradžalnaść.
Miery pa stymulavańni naradžalnaści ŭklučajuć taksama papraŭki da zakona ab PDV, jakija vyzvalajuć ad padatkaabkładańnia pasłuhi pa dohladzie za dziećmi, ustanovy pa dohladzie za starymi, pastaŭščykoŭ pasłuh dla invalidaŭ i pasłuhi, źviazanyja z rehistracyjaj šlubaŭ.
Bloomberg adznačaje, što padatak na srodki kantracepcyi ŭvodzicca na fonie rezkaha rostu kolkaści vypadkaŭ zaražeńnia VIČ u krainie. Pavodle danych kitajskaha Centra pa kantroli i prafiłaktycy zachvorvańniaŭ, z 2002 pa 2021 hod kolkaść zarehistravanych vypadkaŭ VIČ i ŚNID vyrasła z 0,37 da 8,41 na 100 tysiač čałaviek.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary