Fondy Bresckaha abłasnoha krajaznaŭčaha muzieja ŭ 2025 hodzie papoŭnilisia kaštoŭnymi archieałahičnymi znachodkami. Žychary vobłaści znajšli i pieradali va ŭstanovu kultury staražytnyja bronzavyja fibuły — zašpilki dla adzieńnia, jakim našmat bolš za tysiaču hadoŭ. Navinki ŭžo stajać u ekspazicyi archieałahičnaha muzieja «Bieraście».
Siarod pieradadzienych artefaktaŭ śpiecyjalisty vyłučajuć dva pradmiety, jakija adnosiacca da roznych histaryčnych epoch, paviedamlaje telekanał ANT.
Pieršaja relikvija — fibuła, jakaja datujecca IV—III stahodździami da našaj ery. Jaje znajšli ŭ Kamianieckim rajonie kala vioski Vyhnanka. Na dumku navukoŭcaŭ, hety pradmiet naležyć da pamorskaj kultury.
Druhaja znachodka była zroblena niedaloka ad vioski Vialikija Radvaničy Bresckaha rajona. Heta frahmient fibuły kanca I — pačatku II stahodździa našaj ery. Śpiecyjalisty miarkujuć, što jana moža adnosicca da pševorskaj albo vielbarskaj kultur.
Zahadčyk filijała abłasnoha krajaznaŭčaha muzieja «Bieraście» Raman Syč patłumačyŭ značeńnie hetych kultur dla historyi rehijona:
«Niekatoryja atajasamlivajuć pamorskuju kulturu mienavita z takim narodam, jak vieniedy. Kali ž brać vielbarskuju kulturu — heta kultura, jakuju možna suadnosić z hotami. Hetyja artefakty dazvalajuć nam lepš razumieć, dzie žyli plamiony. Adpaviedna, archieołahi, atrymaŭšy hetuju infarmacyju i pradmiety, zmohuć pravieści svaje daśledavańni na kankretnym miescy, mahčyma, navat archieałahičnyja raskopki».
Fibuły słužyli nie tolki jak zašpilki dla adzieńnia, ale i jak upryhožvańni. Jany aktyŭna vykarystoŭvalisia až da Siaredniaviečča, pakul im na źmienu nie pryjšli huziki.
Dla daśledčykaŭ takija znachodki majuć asablivuju kaštoŭnaść. Moda na formy fibuł mianiałasia davoli časta, tamu dla navukoŭcaŭ jany źjaŭlajucca nadziejnym chranałahičnym indykataram. Dziakujučy im možna dakładna datavać cełyja kulturnyja płasty.
Usiaho ž u 2025 hodzie muziejnyja fondy Bresckaha abłasnoha krajaznaŭčaha muzieja papoŭnili bolš za 680 ekspanataŭ. Siarod ich nie tolki archieałahičnyja znachodki, ale i dakumienty, fatahrafii, adzieńnie i pradmiety bytu roznych časoŭ.
-
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu
-
Śvirski zvon akazaŭsia žyrovickim «Kanstanciusam». Historyk vyśvietliŭ pachodžańnie pomnika biełaruskaha lićcia z katalickim hierbam i kiryličnaj malitvaj
-
«Kava z historykam» zaprašaje na kruhły stoł pra sud i prava ŭ Vialikim Kniastvie Litoŭskim
Kamientary