Ajcu Alaksandru Šramko zabaranili słužyć na hod za krytyku šmatlikaści achovy patryjarcha
Ajca Alaksandra Šramko pazbavili sanu na hod. Pra heta jamu paviedamili siońnia ŭ Jeparchijalnym upraŭleńni, jakoje naviedaŭ śviatar. Padstava — «za parušeńni ijerejskaj prysiahi i sistematyčnyja publikacyi ŭ ŚMI, jakija dyskredytujuć Pravasłaŭnuju carkvu i siejuć u sercach ludziej varažnieču i nianaviść». Pastanovu začytaŭ asabista sam mitrapalit Pavieł.
Nahadajem, što Alaksandr Šramko ŭ svaim fejsbuku žorstka kamientavaŭ vizit patryjarcha Kiryła ŭ Minsk.
Ajciec Alaksandr Šramko kaža, što praz hod ź im znoŭ praviaduć hutarku i ŭ vypadku pakajańnia jamu mohuć znoŭ dazvolić słužyć. Sam śviatar kaža, što absalutna nie škaduje, što zrabiŭ u fejsbuku toj dopis, jaki i staŭ pryčynaj jaho adchileńnia.
Pry hetym Alaksandr Šramko kaža, što ŭkaz byŭ padrychtavany z pamyłkami statuta. U takich vypadkach abaviazkovym musić być kananičnaje abhruntavańnie, a jaho ŭ dakumiencie niama.
«Kaniečnie, budu praciahvać pisać u internecie. Jość ideja stvareńnia videabłohu. U mianie piensija 250 rubloŭ, niešta treba dumać», — kaža ajciec Alaksandr.
«Ja i tak u carkvie. Pa pierakanańniach ja ekumienist, chadžu i da katalikoŭ, i da pratestantaŭ. Žyvu pavodle vučeńniaŭ Isusa. Dla mianie Isus Chrystos blizki, ja na jaho aryjentujusia. Ja nie ateist, da hetaha jašče nie dajšoŭ», — žartuje śviatar.
Pa jahonych słovach, u ciažki momant padtrymała šmat ludziej. Faktyčna niama ludziej, jakija jaho asudžajuć. U internecie žartavali, što jamu varta stać śviatarom UPC.
«Nie, ja nie chaču być śviatarom Ukrainskaj pravasłaŭnaj carkvy. Kijeŭski patryjarchat — toj ža kłon RPC. Ład žyćcia ŭ ich ničym nie roźnicca. I krytykavać asobu Fiłareta taksama nielha», — praciahvaje baciuška.
«Usio ž taki ŭ pravasłaŭnaj carkvie bolš svabody, čym dzie. Stolki, kolki ciarpieli jany, nidzie ciarpieć nie buduć. Bo ja ž krytykavaŭ i patryjarcha, i mitrapalita. Toj moj dopis staŭ apošniaj kroplaj. Adzin z vykładčykaŭ sieminaryi skazaŭ mnie, što ja padobny da čałavieka, jaki abliŭ siabie bienzinam i staić z zapałkami ŭ rukach», — skazaŭ ajciec Alaksandr na prystupkach jeparchii.
***
Alaksandr Šramko — śviatar u Śviata-Michajłaŭskim prychodzie ŭ minskim mikrarajonie Sucharava. Jamu 61 hod. U 2009 hodzie jaho ŭžo pazbaŭlali prava vieści słužby praz krytyku carkoŭnaha kiraŭnictva na staronkach Žyvoha žurnała. Na hety raz ajciec Šramko raskrytykavaŭ šmatlikuju achovu patryjarcha Kiryła, jaki pryjazdžaŭ u Minsk.
Minskamu śviataru zabaranili słužyć, bo krytykavaŭ pavodziny patryjarcha Kiryła
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy3
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary