Prarasijskaja partyja paciarpieła balučuju parazu na vybarach u Małdovie
Prarasijskija sacyjalisty nabirajuć tolki 31% hałasoŭ paśla apracoŭki 97% biuleteniaŭ. Heta našmat mienš, čym raźličvaŭ ich lidar, prezident Ihar Dadon.
U prajeŭrapiejskaj apazicyjnaj kaalicyi «Zaraz» — 26% hałasoŭ, u inšaj prajeŭrapiejskaj Demakratyčnaj partyi Małdovy — kala 24% hałasoŭ. Jašče 8% nabiraje partyja biznesoŭca Iłana Šora.
Za demakrataŭ prahałasavała bolšaść sielskich rajonaŭ. Sacyjalistaŭ padtrymali vialikija harady, dzie žyvie šmat vychadcaŭ z Rasii.
«Zaraz» najbolš nabiraje ŭ Kišyniovie i tych rajonach, skul pachodziać jaho lidary. Hetaja palityčnaja siła źbirajecca vyvieści ludziej na paślavybarčyja pratesty.
Partyja Šora — heta asobny vypadak. Šor naradziŭsia ŭ Izraili, ale robić biznes na radzimie svaich baćkoŭ u Małdovie. Jon atrymaŭ 7,5 hadoŭ turmy za kradziež hrošaj z bankaŭskaj sistemy, ale heta nie pieraškodziła jamu zdabyć papularnaść u peŭnych kołach.
Tracina miesc u sacyjalistaŭ — heta nie toj vynik, na jaki raźličvała Maskva. «Sputnik-Małdova» napiaredadni vybaraŭ publikavaŭ źviestki «sacapytańniaŭ», jakija davali sacyjalistam amal pałovu hałasoŭ.
U adnamandatnych akruhach bolšaść mandataŭ zabiaruć pradstaŭniki ciapierašniaj «partyi ŭłady» — Demakratyčnaj. Ale i lidary apazicyi ŭpeŭniena pieramahli ŭ svaich: Andrej Nestase z «Zaraz» — u pryharadach Kišyniova, Maja Sandu z «Zaraz» — na akruzie dla vybarcaŭ-emihrantaŭ, a Zinaida Hračanaja z Partyi sacyjalistaŭ na svajoj radzimie na poŭnačy Małdovy.
Kali nie budzie vialikich źmien pry kančatkovym padliku hałasoŭ, Sacyjalisty atrymajuć 35 mandataŭ, Demakratyčnaja partyja — 30, «Zaraz» — 26 miescaŭ, partyja Šora — 7. Jašče 3 mandaty zdabyli biespartyjnyja kandydaty. Usiaho ŭ parłamiencie Małdovy — 101 miesca.
Možna prahnazavać, što Demakratyčnaja partyja multymiljaniera Ułada Płachatniuka pa vynikach vybaraŭ zastaniecca pry ŭładzie. Pytańnie, z kim jana ŭvojdzie ŭ kaalicyju hetym razam. Źviartaje na siabie ŭvahu taksama vysoki vynik kaalicyi «Zaraz», jakoha jana dasiahnuła paśla taho jak apazicyjnyja partyi zdoleli abjadnacca za dva miesiacy da vybaraŭ.
-
«Prahresiŭnaja Bałharyja» ŭčystuju pieramahła na vybarach. Hienierał Radzieŭ supakojvaje: Praciahniem jeŭrapiejski šlach, ale krytyčna
-
Raźviedka Šviecyi: Ekanomika Rasii na miažy najhłybiejšaha kryzisu. Niajasna, ci Pucinu pra heta kažuć
-
Vybary ŭ Bałharyi vyjhrała prarasijskaja partyja byłoha prezidenta Radzieva
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy55
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary