Va ŭročyščy Kurapaty 14 krasavika prajšoŭ malebien u abaronu narodnaha memaryjału, piša radyjo «Svaboda».
Pavodle infarmacyi abaroncaŭ uročyšča, 13 krasavika tut było źniesiena 24 metaličnych kryžoŭ, ustanoŭlenych u 2017 hodzie na hrošy, sabranyja praz kraŭdfandynh, pradstaŭnikami hramadzkaści. Kryžy byli źniesienyja padčas rabot pa «dobraŭparadkavańni» uročyšča, jakija napiaredadni pravodzili pradstaŭniki BRSM, «Biełaj Rusi», prafsajuzaŭ i veteranskich arhanizacyjaŭ.
Udzieł u siońniašniaj malitvie ŭziali kala 50 čałaviek, u tym liku pradstaŭniki inicyjatyvy «Za ŭratavańnie memaryjału «Kurapaty». Tak, u malitvie ŭdzielničali Hanna Šapućka, Aleś Maračkin, Nina Bahinskaja, Viačasłaŭ Siŭčyk.
Słužbu pravioŭ śviatar niekananičnaj Biełaruskaj aŭtakiefalnaj pravasłaŭnaj carkvy ajciec Vikienci.
Za padziejami nazirali niekalki supracoŭnikaŭ milicyi ŭ cyvilnym.
Kamientary