KDB aficyjna pryznaŭ najaŭnaść kryminalnaj spravy ŭ adnosinach namieśnika sakratara Rady biaśpieki Andreja Uciuryna.
Jamu vystaŭlena abvinavačańnie ŭ atrymańni chabaru ŭ asabliva bujnym pamiery. Uciurynu pahražaje pazbaŭleńnie svabody ad 5 da 15 hadoŭ z kanfiskacyjaj majomaści.
«Napiaredadni Andrej Uciuryn byŭ zatrymany z dokazami złačynstva pry atrymańni $148 600 ad pradstaŭnika rasijskaj kamiercyjnaj struktury «H» za sadziejničańnie ŭ prasoŭvańni jaje intaresaŭ u Biełarusi», — paviedamlajecca na sajcie KDB.
I Uciuryn, i chabaradaŭca pryznali vinu. Abodva znachodziacca pad vartaj.
Andrej Uciuryn
Naradziŭsia ŭ 1971 u Pienzie. U 1992 skončyŭ Sarataŭskaje vyšejšaje vajskovaje kamandnaje vučylišča MUS Rasii, a ŭ 2002 — Akademiju MUS Biełarusi. Ad 1995 — u słužbie achovy Łukašenki. Uznaharodžany ordenami «Za biezdakornuju słužbu» i «Za słužbu Radzimie». Kiraŭnik Słužby achovy ad 2007 hoda. U 2014—2019 namieśnik dziaržsakratara Rady biaśpieki.
Kamientary