Što aznačaje, kali kiraŭnik Rady biaśpieki pracuje na zamiežnuju strukturu?
Što aznačaje, kali na zamiežnuju strukturu pracuje namieśnik kiraŭnika Rady biaśpieki? Praz hety orhan prachodzić usia stratehičnaja infarmacyja, usio, što idzie prezidentu i ad prezidenta. Pra takuju stupień infiltracyi ŭ sakrety inšaj krainy možna tolki maryć.
Mieć ahienta na ŭzroŭni aficera Hienštaba ci načalnika ŭpraŭleńnia śpiecsłužby — heta ŭžo adzinkavy vypadak u baraćbie śpiecsłužbaŭ. A na ŭzroŭni kiraŭnika achovy prezidenta ci kiraŭnika Rady biaśpieki — heta niešta ŭnikalnaje. Zamiežnaja struktura patencyjna mieła b praktyčna ŭsiu ŭnutranuju infarmacyju jak asabistaha, tak i dziaržaŭnaha charaktaru.
Nie prypomniu, kab takoha dabivałasia navat «Masad» u krajnie słabych afrykanskich i arabskich dziaržavach. Kali b takoje zdaryłasia, heta byŭ by prosta pravał.
Mienavita tamu, što heta poŭny pravał, to, kali b takoje zdaryłasia, publičnaj infarmacyi pra takoje nie budzie.
Zrešty, heta byŭ by łahičny pravał. Doŭhi čas pry ciapierašnim režymie nie było jasna, dzie kančajecca Biełaruś i pačynajecca Rasija. Supracoŭnik FSB rabiŭsia kiraŭnikom KDB, byvali momanty, kali na čale ŭsich siłavych viedamstvaŭ stajali ludzi, narodžanyja nie ŭ Biełarusi. Hramadzian vychoŭvali i vychoŭvajuć u adnaznačnym duchu: «Biełarus — značyć ruski čałaviek. Biełaruś i Rasija — adno cełaje. Zaležnaść ad Rasii — heta i jość niezaležnaść». U takoj łohicy suvierenitet Biełarusi — vypadkovaść i časovaja źjava, a praca na Rasiju — heta narmalny finalny stan.
Tamu ja b nie ździviŭsia, kali b taki pravał niekali zdaryŭsia.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary