Siaredni ŭzrost ustupleńnia ŭ šlub dasiahnuŭ u Biełarusi histaryčnaha maksimumu
Siaredni ŭzrost ustupleńnia ŭ pieršy šlub u Biełarusi praciahvaje raści. Ciapier jon składaje 28 hadoŭ dla mužčyn, 26 — dla žančyn. Takija źviestki daje Biełstat.
Pry kancy isnavańnia BSSR hetyja ličby składali, adpaviedna, 22 i 20 hadoŭ i try apošnija dziesiacihodździ ŭvieś čas uzdymalisia.
Cikava paraŭnać z anałahičnymi pakazčykami ŭ Złučanych Štatach Amieryki. Tam situacyja supastaŭnaja: 29 i 27 hadoŭ adpaviedna.
Prykładna kožnaja druhaja siamja ŭ Biełarusi ciapier raspadajecca. Dola razvodaŭ dasiahnuła svajho histaryčnaha piku.
U ZŠA nazirajecca amal toje samaje. Raspadajecca prykładna 50% šlubaŭ.
Ahułam, kolkaść šlubaŭ skaračajecca. Sacyjołahi tłumačać heta tym, što ludzi stali adkaźniej stavicca da stvareńnia siamji: adkładajuć hety momant, kab zastrachavać siabie ad pamyłki.
Amierykanskaja statystyka fiksuje ŭ apošnija hady źnižeńnie doli razvodaŭ siarod maładych siemjaŭ. Praŭda, pry hetym raście kolkaść razvodaŭ u parach, starejšych za 65 hadoŭ.
Što da žyćcia razam da šlubu, to ŭ ZŠA pra takoje zajavili 70% apytanych par. Jašče ŭ 1970-ja takich było tolki 40%.
Kamientary