Jašče adzin biełaruski dobraachvotnik atrymaŭ hramadzianstva Ukrainy
Prezydent Ukrainy Ŭładzimir Zialenski padpisaŭ ukaz ab nadańni ŭkrainskaha hramadzianstva dzieviaci zamiežnym hramadzianam, jakija abaraniali terytaryjalnuju cełasnaść krainy na Danbasie, piša «Radyjo Svaboda».
Adzin ź ich — hramadzianin Biełarusi Dzianis Procharaŭ. Jon vajavaŭ spačatku ŭ dobraachvotnickim bataljonie «Azoŭ», a potym u składzie Taktyčnaj hrupy «Biełaruś».
Jak paviedamili Svabodzie ŭ Taktyčnaj hrupie «Biełaruś», apošni raz Dzianis Procharaŭ byŭ na froncie ŭ 2015 hodzie pad Marjinkaj u Danieckaj vobłaści, a ciapier zajmajecca hramadzkaj dziejnaściu.
Va ŭkazie prezydenta adznačajecca, što atrymańnie Dzianisam Procharavym ukrainskaha hramadzianstva adpaviadaje «dziaržaŭnym intaresam Ukrainy».
U červieni Ŭładzimir Zialenski padpisaŭ pieršy ŭkaz ab nadańni ŭkrainskaha hramadzianstva zamiežnym hramadzianam, jakija abaraniali terytaryjalnuju cełasnaść krainy na Danbasie. U liku pieršych 14 takich hramadzian byli dva biełarusy — Rudolf Jeharenka i Dźmitry Biełahorcaŭ (vajavali ŭ bataljonie «Danbas»).
Raniej narodnaja deputatka Ŭkrainy Natalla Viesiałova źviarnułasia da prezydenta Ŭkrainy Ŭładzimira Zialenskaha z prośbaj dać ukrainskaje hramadzianstva biełarusu Dźmitryju Pałojku.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary