Zasnavalnicu kampanii #MeToo u Francyi pryznali vinavataj u paklopie. Ciapier jana adkaža za svaje słovy
Francuzski sud pryznaŭ vinavataj u paklopie Sandru Miuler, jakaja pačała ŭ krainie kampaniju suprać seksualnych damahańniaŭ uśled za viadomym u sacsietkach fłešmobam #MeToo, pad jakim žančyny publikavali padobnyja historyi, piša BBC.
U kastryčniku 2017 hoda Miuler napisała ŭ Twitter: «#balancetonporc! Vy taksama možacie raspavieści, nazvaŭšy imia i padrabiaznaści seksualnaha damahańnia, achviaraj jakoha vy stali na pracy».
Praz usiaho niekalki hadzin jana napisała jašče adzin tvit: «U ciabie vialikija hrudzi. Ty — moj typ žančyny. Ja zrablu tabie arhazm na ŭsiu noč», dadaŭšy imia i pasadu Eryka Bryjona, jaki zajmaŭ kirujučuju pasadu na francuzskim TB.
Adnak Bryjon nikoli nie pracavaŭ ź Miuler. Jon pryznaŭsia, što sprabavaŭ flirtavać ź Miuler, adnak paśla taho, jak jana adchiliła jahonyja zalacańni, jon paprasiŭ prabačeńnia za svaje słovy i nie dakučaŭ joj.
Bryjon nazvaŭ «mašynu», jakuju Miuler zapuściła svaimi tvitami, «niastrymnaj», i zajaviŭ, što praz heta jon zaznaŭ surjoznyja prafiesijnyja i asabistyja nastupstvy.
Ciapier Miuler pavinna budzie vypłacić Bryjonu 20 000 jeŭra ŭ jakaści kampiensacyi za škodu i stračanyja hanarary. Taksama jaje abaviazali vydalić toj tvit za 2017 hod i apublikavać u siabie na staroncy rašeńnie suda.
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava3
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4141
Kamientary