Žak Šyrak na pasadzie prezidenta Francyi vystupaŭ suprać ŭviadzieńnia armii ZŠA ŭ Irak ŭ 2003 hodzie nie ź ideałahičnych mierkavańniaŭ, a tamu što atrymlivaŭ šmatmiljonnyja chabary ad byłoha kiraŭnika Iraka Sadama Chusejna. Pra heta jak piša Lenta.ru, paviedamlaje brytanski tabłoid Daily Mail sa spasyłkaj Ryčarda Dyrłava, jaki ŭ tyja hady ŭznačalvaŭ sakretnuju raźviedsłužbu Vialikabrytanii (MI-6).
Pavodle jaho, Šyrak atrymaŭ ad Chusejna 6 miljonaŭ dalaraŭ, jakija vydatkavaŭ na svaje vybarčyja kampanii ŭ 1995 i 2002 hadach. Pavodle raźviedki, palityk atrymaŭ hrošy praz pasiarednikaŭ.
U 2003 hodzie mižnarodnaja kaalicyja na čale z ZŠA ŭvajšła ŭ Irak, u vyniku čaho byŭ skinuty režym Chusejna. Šyrak, u toj čas prezident Francyi, vystupiŭ suprać vajennaj kampanii, pahražaŭ vykarystać prava vieta ŭ Radzie Biaśpieki AAN. U vyniku apieracyja pačałasia biez mandata AAN.
Sadama Chusejna paviesili 30 śniežnia 2006 hoda pa abvinavačvańni ŭ masavym źniščeńni žycharoŭ šyickaj vioski al-Dudžejl.
Žak Šyrak pamior 26 vieraśnia. Jamu było 86 hadoŭ.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary