Pad vartaj dvoje chłopcaŭ: zatrymali Ivana Komara i Mikitu Jemialjanava.
Pa słovach surazmoŭcaŭ, źviazanych z anarchisckim rucham, chłopcaŭ padazrajuć va ŭdziele ŭ dźviuch akcyjach.
Pieršaja prajšła ŭ vieraśni, kali budynak Minskaha haradskoha suda zakidali lampačkami z farbaj. Druhaja była ŭ kastryčniku, kali ŭ Vaładarku kinuli «kaktejl Mołatava» (praŭda, ničoha nie zaharełasia).
Hetyja «akcyi» byli prymierkavanyja da suda nad Źmitrom Palijenkam.
U vyniku Palijenka atrymaŭ chatniuju chimiju, a jaho paplečnikaŭ buduć sudzić.
Jemialjanava i Komara zatrymali 20 kastryčnika, u ich kvaterach byli praviedzienyja pieratrusy.
Paplečniki kažuć, što siońnia chłopcy znachodziacca ŭ SIZA. Adzin ź ich admaŭlaje svoj udzieł u «akcyjach», druhi nibyta supracoŭničaje sa śledstvam.
Na Jemialjanava i Komara zaviali dźvie spravy: za apahańvańnie zbudavańniaŭ i naŭmysnaje paškodžańnie majomaści hramadska niebiaśpiečnym sposabam. Pakarańnie pa apošnim artykule surjoznaje: navat da 10 hadoŭ źniavoleńnia.
«My sočym za hetaj spravaj. Ci pryznajuć ich palitviaźniami, ja pakul skazać nie mahu», — paviedamiŭ «Našaj Nivie» pravaabaronca Valancin Stefanovič.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary