Akreśliłasia koła mahčymych supiernikaŭ, jakija mohuć trapicca biełaruskim kłubam u płej-of Lihi kanfierencyj
Matčy treciaha raŭndu startujuć tolki ŭ čaćvier, ale siońnia projdzie losavańnie apošniaha raŭndu kvalifikacyi — płej-of.
Čempijon Biełarusi «MŁ Viciebsk» vybyŭ z kvalifikacyi Lihi čempijonaŭ, ale praciahvaje baraćbu ŭ Lizie kanfierencyj, jaho supiernik u trecim raŭndzie — baśnijski «Borac». Minskaje «Dynama» zhulaje ŭ trecim raŭndzie z partuhalskaj «Brahaj».
UEFA raźbiła kłuby na mini-hrupy, i supierniki mohuć trapicca z hetaha ŭsiečanaha koła.
Tak pieramožca dvuboju «MŁ Viciebsk» — «Borac» zhulaje z adnym z prajhrałych u parach: «Tun» (Šviejcaryja) — «Vikinhur» (Isłandyja), abo «Šemrak Roviers» (Irłandyja) — «Ehnacija» (Ałbanija)
Minskaje «Dynama», kali projdzie «Brahu», zhulaje z adnym ź pieramožcaŭ paraŭ: «Tvente» (Niderłandy) — «DAK 1904» (Słavakija), «Biejtar» (Ijerusalim, Izrail) — «Aŭstryja» (Viena) «Makabi» (Tel-Aviŭ, Izrail) — CSKA (Safija, Bałharyja), abo ispanskim «Chietafe».
Losavańnie siońnia projdzie a 16-j.
Matčy 3‑ha raŭndu projduć 6 i 13 žniŭnia, płej-of kvalifikacyi —20 i 27 žniŭnia.
Kab trapić u asnoŭny raŭnd Lihi kanfierencyi, treba prajści i płej-of kvalifikacyi.
U 2008‑2019 hadach barysaŭski BATE rehularna ŭ asnoŭnym raŭndzie, tady heta nazyvaŭsia hrupavy etap Lihi čempijonaŭ i Lihi Jeŭropy. Potym byŭ doŭhi pierapynak, i tolki ŭ siezonie 2024‑2025 minskaje «Dynama» dabrałasia da asnoŭnaha raŭndu Lihi kanfierencyj — treciaha pa mocy jeŭrakubka.
«Dynama» tady finišavała 33‑m z 36 kłubaŭ na asnoŭnym etapie, zdabyŭšy adnu pieramohu i piać razoŭ prajhraŭšy.
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam29
Kamientary