«VNU, u jakoj vyjavili vypadak karanavirusa, pieravodzicca na indyvidualnuju prahramu navučańnia. Heta BNTU», — skazaŭ siońnia žurnalistam ministr achovy zdaroŭja Uładzimir Karanik, piša BiełTA.
Pavodle jaho słoŭ, maładoha čałavieka, vyklikali na abśledavańnie ŭ 33-ju palikliniku Minska. Na momant ahladu skarhaŭ u studenta nie było.
«Ale miedycynskich rabotnikaŭ źbiantežyła nievialikaja tempieratura, 37,3 hradusa, pačyrvanieńnie ŭ horle. Jon byŭ dastaŭleny ŭ infiekcyjnuju balnicu, dzie byli ŭziatyja mazki i paćvierdžana najaŭnaść siamiejstva karanavirusaŭ. Zaraz my ŭdakładniajem, nakolki heta epidemijałahičny štam», — prainfarmavaŭ Uładzimir Karanik.
Čytajcie jašče: Adbyvajecca masavaja izalacyja studentaŭ i vykładčykaŭ BNTU, jakija kamunikavali z chvorym na karanavirus
Karanavirus pryjšoŭ i ŭ Biełaruś: pryvioz student ź Irana. Jon i jaho atačeńnie izalavanyja ŭ infiekcyjoncy
Iranski student, jaki zachvareŭ na karanavirus, vučycca ŭ Biełaruskim nacyjanalnym techničnym univiersitecie.
Siońnia ŭnačy miedyki pačali izalavać studentaŭ i vykładčykaŭ, jakija ŭvachodzili ŭ jaho koła kantaktaŭ.
«Pazvanili a piataj ranicy, skazali, što praz hadzinu mianie zabiare chutkaja, — skazaŭ «Našaj Nivie» vykładčyk BNTU. — Zavieźli ŭ špital vieteranaŭ Vialikaj Ajčynnaj vajny. U boksach raźmieščany pa niekalki čałaviek, miedyki zachodziać sa srodkami abarony ŭsimi. Na našym paviersie kala dvuch dziasiatkaŭ čałaviek. Kažuć, što i ŭsia studenckaja hrupa izalavana. Kolki tut treba być, pakul nieviadoma, kažuć pra dva tydni».
Va ŭniviersitecie infarmacyju pakul nie kamientujuć.
Miedyki pracujuć u internatach Biełaruskaha nacyjanalnaha techničnaha ŭniviersiteta.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy33
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary